Chikome Tlaijtolnechikoli

Sentikchikauali

Chikuasempoali uan majtlaktlitipaj tlaijtoli. Ipatijpejka panojkachiualistli tlen momaxalojkuiniaj tlaltokayotl uan teopankalmej tlajtoua tlanauatili tlen katli ijkuilojtok pan ni tlaijtoli. Teopankalmej uan sekinoknechikolteotlatolmej kichiuasej tlen tlajtoua machiotlajtoli.

Kimelaua kichiuas nechikolueyitlaijtoltiyanij tlaijtoltilisej tlen teolsentiloli, teopankalmej uan nechikolteotlatolmej. Ni mochiuas tlen machiotlajtoli kimelaua, uan elis miyayotl tlen itstinin, kichiuas ni tlajtoli sematilistli:

a) Teopankalmej uan nechikolteosentilismejkipixtosej tlaltolketsali sankej teosentiliskalmej kemaj inoj kipixtosej inin amatokaitl. Ni machiotlajtoli kixitlauas sentilistlikalmej, uan kijtos tlake amamen monekis kema moxitlauakijkuilos.

b) Tlen tekichiuanij amo uelis mokalakisej pan ininnemilis tlen nechikolteosentilistli.

c) Mexkoeuanij uelisej momachtisej teokamanali katli ueli tlaneltokili. Mexkoeuanijj uan analieuanij moneki kisentilisejtlen moneki amamej ken tlajtouani machiotlajtoli.

d) Ken tlajtoua machiotlatoli katlikimelaua, yekantlajtoltijkemen tlen teopamitl,amo uelisej kichiuasej se miyayotl tekilistli. Ken katliueli maseuali uelis tlauasanis pan se tlapepenilpa, uan amo uelise kinuasanisej. Ajkiamej katli kijkakij iteki tlaltomoyajketl iteokamanal, ka kualka uan ken kijtoua machiotlajtoli uelisej kin uasanisej pan se tlapepenolpa.

e) Yekantlajtoltijkemen tlen teopamitl amo uelis monechikosentilisej ika tlajtolketskemenuan amo uelis kichiuasej tlanauatilnejchikoli uan kintlaneuis ma tlauasanika o amo tlauasanika pan se tlapepenolpa. Yampatsa amo uelis ipan miyayotl nechikopantilistli, pan teopan nechikolistli, yon pan amatlaixnextilistli teoixnextili, moixpanketsas tlen tlajtoua machiotlatolmej tlen tomexko, yon ki tlanauisej toixnexkanextijketl, pantli.

Amo uelis mochiuas nechikolsentiloli tlan amatokayotl moijkuilo uan kipias se tlajtoli o tlanauatili ken moijtoua pan teoneltokilmen. Amo uelis mochiuas pan teopankali sentilisnechijkoli tlen tlajtoltilitlaneneuili.

Tlan tlen kijtos tlaneltokili tlen nelia xitlauak uan kichiuas tlen katli kiiljuia, kitlakechia katli kichiua, tlan kema amo kichiua, kiselis tlaiyauiltili tlen tlajtoua machiotlajtoli.

Yekantlajtoltijkemen tlen teopamitl, inintatauaj, koneuaj, ikniuaj uan inin namik, yampatsa nechikolteosentilistli kampa paya itstokej, amo uelis kikauilisej yon se tlenijki pan mijkatlalamatl, tlen katli yekantlajtoltijketl tlen teopamitl tlaixpantijkej o tlapaleuijke ka yolchikaualistli tonalchiuali uan amo kipia maxauilkayotlipan naui uikayotl.

Nochi katli kichiua sanimanyol nemili tlen maseualme, ni mokauilia kisenkauastlanauatekitlajkuilolchiuanij tlen tlajtoua machiotlatolmen, uan kipixtosej tetikayotl uan patijka tlen katli tlanauatiaj tlen inoj.

Axkayotl tlayakankemej tekitinin, tlen tlaltokayolmej uan itlatilanka teyoualmej, kipixtosej pan nitlaixnextilistli tlakejchilmej, tlaneltokilmej uan kichiuasej tlen tlajtoua machiotlajtoli.