Chikome Tlaijtolnechikoli

Sentikchikauali

Chikuasempoali uan chikometipaj tlaijtoli. Ueyi tlayakanketl tekichijketl tlen tomexkotlal, yekantlajtoltijkemen axkayotl tepanitali tlen mexko tlali, machiotlajtolkemej uan tlaijtoltlakamen tlen machiotinin mexkosenkotili, tlayakankemej pan nechikosentiloli, uansekinoksentika miyayotl ,tekipanouanij kiselisej kuali tomintlaxtlauili uan amo uelis kiijtos amo kiselis nopa tlaxtlauili tlen katli kichiua pan itekichiualis, tekilistli,tlanauatil tekichijkayotl uan tekitlatitlanili.

Uan momakas tlen sesenka xiuitl uan ken moneki pan amatomin tlaxtlauili uan nojkia katli motominmakas, tlen katli ki melauas.

I. Kampa se kitlaliya, o kampa temok tomin tlaxtlauali, mokalakis kampa nopa nechikolistli, kampa se maseuali kiseliya tomikinmajka nemajtli kampa tekipanotokej, uan kinmaka seyok tlapaleuil tomi kin makaj kunke tekititokej, tomin nemaktli kampa kiseliya se tekipanoketl, tomin tlapaleuilistli, kin inamaj, se maseuali kinmaka setlanemaktili kampa tomi kemaj kitlani ka tekitikayotl, uan sekinokej. Kampa axmokalakiya ka tlapaleuilistli, uan kampa kipoloua tomi maseualmej kemaj moixnextis iaxka kampa moueyili pan tekitl, kampa kitekiuijke tomi ka paxalokej kemaj tleno kichiua.

II. Amo uelis se tlanauatiketl tlaixnexpa, kiselis se tomin tlaxtlauili sankej uala ipan tlajtolketsali pan tlatlapantli achtiui, tekitikayotl, tlaixnamikayotl, ueyi kampa ki ixpanexti ueyitekitiketl mexko ipan tomin tlachiyali katli kimelaua.

III. Amo uelis sentikatlanauatiyanij kipiasej tomin tlaxtlauili sansej o tlauel ueyi tekitijketl; kipiyas miak sentika tekipanolismej, tlen tlaxtlauili san katli tekipanoli kijchitok, san katli kimelaua pan yani, ni tlajkotil tlaxtlauili amo uelis san tlajko tlaxtlauili sankej kitlaltok ueyi tlajtouani ipan tomin tlachiyalistli kimelaua.

IV. Amo temakasej uan amo onkas tlaxtlauili ka tekipanolismej, kampa onkak tomin tlaxtlauili,amo onkas yolchikaualotl kampa se tekipano, sankej tlaneuili tomi o kampa kiseliya se tomin tlaxtlauili o kemaj kikixtiya tomi, tlaxtlauili kampa tekipanotokej, uan axtlaneuilika Creditos,san katli kitlaliya nauatilili, amatlanauatili machioketstili, kemaj sansejko mochiua tekitl. Ni tlaixmatilistli amo uelis mo pantis pan tomintlaxtlauali. Kalixpa mokaua yolchikaualotl kipia temachtli tlamanauilistli katli kineki sentika tlanauatiyani ka tlaixnamikili katli tekipano.

V. Tomin tlaxtlauali uan inin ixnestilis eltos sentikapa, uan uelis se kiitas uan ixnestos nochi katli kiitoua uan setlamantli kinmaka tomin tlaxtlauili sanke nemaktli.

VI. Machiotinij mexkosejkotili, tlaijtolnauatiyani tlen tlaltokayomej uan nechikollisnextiyani tlen mexko tlaltipajtli, ipan kakiuili inin yejyekoltlanili, temakasej machitlajtomej nelneliya mochiuas ni ijtoli uan sematilistli tlanejneluilyomej katli kiitoua, kampa ki tlayouiltiya pan ni tlajyouilpamitl uan tlatekiyouiltipa katli axmotsonti o kiixpanextiya seyok katli kijtouaipan ni ijtoli.