Makuili Tlaijtolnechikoli

Tlen Tlaltokayolmen Axkayotilotl Uan D.F.

Makuilpouali uan kaxtoli uan ometipaj tlaijtoli. Tlaltokayolmen amo ueliskichiuasej:

I. Kichiuasej nechikoli, amaixmonextilistli uan miyaknechikolistli ika seyok tlaltokayotl ni ka analieuanin;

II. (Moixpolo).

III. Kichiuas tomin, kichiuas amatlaxtlauili, yon amatlaixnextijkayotl.

IV. Tlainamas tlan panose maseualmen uan tlamantli katli pano pan inin tlalpa;

V. Tlatsakuilis uan tlainamas kema kalakise pan inin tlalpa, uan kema kisas paya, yon se katli monemakas pan mexkotlai uan analitlali;

VI. Tlainamas nochi katli youi mexkoeuanin uan ualaui analieuanin, katli tlainaman pan chapopouexojtli, moneki tlachilistli uan tlamamaneloua uan amapoalistli, tlachiualtis ma temakaka amamen;

VII. Kichiuas yon kipixtos tekititostlaxitlaualismen uan tlaixnextilistli tlen tlainantli uan amatlajkuiloli kampa uala tlanemakilistli tlen mexkotlali uan analitlali, uan nia tlaelkikampa itstoken uankalaki tlaeliltili san se uan yoksejko uala;

VIII. Kiselis yaya uan ka seyok tekiuijkayotlka analitekichiuanin,analinechikolmen uan kema motlaxtlauas ika analitomin uan yoksejko tlen mexkotlali.

Tlaltokayolmen uan teyoualtlatilankemen amo uelis kiselisen tekiuijkayotl uan tlanejtli, uan uelis san kema kiualika tlapaleuili pan tekichiuali uan tlaeliltili, nojkia tlen tlajtoua machiotlajtolmen. Mexkotlanauatijketl tlamachiltis kema temakas iamatekitlaixpantli.

Tlaltokayomej uan teyoualtlatilankemej amo uelis tlaixnamikisej o tlatemaktilisejkunke mo tlaneui uan temaktiliya tomin sentikapa katli nelneliya motekiuiya uankichiuasej sankualtsi uan kichiuasej kuali tlanamakilistli, ki ualikaj tlapaleuilistli temaka tekikali tlaixpanextikayotl uan kimakaj tlayolkayotl uan tlaltokayomej kimaktiliya seyokej kakiuili kemaj tlaxtlauas kaltli tlauika ipan teyoualtlatilanketl. Achtiui sankej kitlaliya machioketstilmej ipan ni nauatilmej katli kimelaua, kijtoua kampa nestok pan ni mexkosentikatlanauatili, motsontiya ika imiyaka uelis kiselisej Chiualketskemej tlamachiltisej tlayekyekoli tlen Sentika tomi. Amo uelis motlaneuis tomi ka kiixtsakuas ni tlaxtlauili katli uala.

Tekimachioketstilmej,ka tlaixtlalistli pan ome uan eyi tlatlapantli inin imaxua mo ixpantiya, uelis temaktilisej ka inin miyaka, kemaj ki kualtilisej tlanamakili, kin tlaneuisej teki maseualmej uan nelneliya kixnamikisej, se ama nejnemiltlajkuiloli, katli motsontis ka tlaxtlauali, uan kiani, kinmaktilis se kakiuili ipan amatlaxtlauilistli.

Achtiui tlaixpanoli, tlaltokayomej uan teyoualtlatilankemej uelis kintlaneuisej kemaj kixtsakuasej inin ejeltilis ka kentsi tonali, amo uelis mopanoltis tlauel san katli eltok ipan machiotlajtoli sentikapaj temaka machiotinij mexkosejkotili.Tlaixnamikilmej kichiuasej ka kentsi tonali, uelis tlatsontisej ika etitijpa meestli kemaj ayejmo tekikisa tekitlayekanketl uan amo uelis yankuik tetlaneuisejipan eyitijpa meestli.

IX. Tlainamasen tleliltili, tlanechikoli uan tlanemakili tlen iyatl ikaixiuiyo, uan ika seyok tlainantli miyak tlen kijto machiotinin mexkosenkotili.

Machiotinin mexkosenkotili uan machioketstili tlen tlaltokayolmen temakase machiotlajtolmen tlen kitlamiltise chichika tlailistli.