Tiitulo Uhun

Cahan chi cuenda iin iin ñuhun un ndaca ñahan ñuhun Ñucohyo ta cuenda ñuun Ñucohyo cha cuu chi xini ñuun nu iyo cumi tiñu cahnu

Artiiculo 117. Ndihi Ñuhun iyo tichi Ñuhun Ñucohyo ña cuu savaha chi ni iin tiñu ya:

I. Ña cua cuu tisovaha chi tiñu a cua natahan chi chi inca Ñuhun, a chi inca ra ndacañahan inca Ñuhun.

II. Tani chi.

III. Ña cuu savaha maan chi xuhun caa, ni tutu xuhun, ni tutu estampilla ta ni tutu ndaa sellu.

IV. Ña cuu satiahvi chi chi ñivi a ñaan cha chicacuu tichi ñuhun chi.

V. Ña cuu casi chi a satiahvi chi cuenda cha quihvi a quee ndatiñu quiahvi cha iyo tichi ñuhun can, a vachi chi inca ñuhun.

VI. Ña cuu satiahvi chi cuenda cha chica ta quiahvi cha iyo tichi ñuhun can, a cha vachi inca ñuhun, ta cua tiahvi tiñu a cha cuiti cha ña cua tiahvi tiñu nu cuu chi aduana iyo nuu ñuhun can, a cha cua ndehe tiñu ñaa cha cuu chi a cha cua tiin sivi chi cha cuu chi ndihi bulto a cha cua ndaca tiñu tutu cuenda maan ndatiñu can.

VII. Ña cuu cua tava chi ley ta cua coo chi a cuenda cha satiahvi tiñu cha ña queta vaha tiahvi ñivi (sic DOF 05-02-1917) a ñaan inca cuenda ndatiñu quichi suvi ni tichi ñuhun Ñucohyo a inca Ñuhun nu ndacañahan inca cumi tiñu, ta cua saqueta tiñu cha cua tiahvi ñivi cuenda ndatiñu iyo tichi ñuhun can, a ñaan inca cha savaha tiñu ta vachi chi inca tucu chiyo.

VIII. Cha cua tiin chi tiñu iin cuahan ni a chi cuenda inca tucu cuhva, ta cua tiin chi tiñu cha cua quihin nuun chi xuhun ra ndacañahan inca ñuhun, a chi inca cuenda ñivi cha iyo inca ñuhun, a ta cha cua tiahvi tiñu chi xuhun inca ñuhun ta ñavi tichi ñuhun Ñucohyo cuu chi.

Ndihi Ñuhun chi ndihi Municipiu ña cua cuu tihi chi cuenda cha cua ndaca nuun chi xuhun tu cha ñavi cuenda cha cua tihi tiñu xuhun cuenda tiñu cha cuu chi ñivi ñuun cha cua satiñu chi a cha cua quihvi chaa xuhun cha sama cuhva cha satiñu chi, ta cua cuu chi iin cha cua ndehe vaha ca tiñu cuhva cha satiñu cha xico ta sata ñivi, tacan ni cha satiñu cuenda ra ndaca ñahan cha cuu empresa cuenda ñivi ñuun a cha cuu fideicomiso, ta cuenda cha cuu nu ndaca ñahan iin Ñuhun, cua quihin chi cuenda cuhva cha cua cahan cuenda cha cuu Municipiu tu cha ndaca nuun chacan xuhun. Cuhva cha cahan chi iti chata ihya, cuhva cha cahan tiñu cha tiso cha cuu legislatura ta cuu chi ley cahan tiñu ya chi cuhva cha cati Constitucion ya, chi ndihi cuhva cha saxini tiñu, ta nda cua nda yoso xuhun cuu chi cha ni chaha ra ta ra ndatu cha cua ndaca tiñu. Ta ndihi ra cuu xini cha ndehe tiñu ican, cua cuhva ra ta ra cuenda cuhva cha satiñu nu ndehe ra ta ra tiñu cuenda ñivi ñuun. Soco ña cua cuu cuatiñu tiñu xuhun chica nuun can cha cua cuatiñu tiñu chi cha cua sanaan ra ta ra cuhva cha satiñu vetiñu.

Ndihi ra satiñu tichi cha cuu legislatura iin iin Ñuhun, uvi terciu ra ta ra cua cuhva ra ta ra voto ra cha iyo ra ta ra quivi can, ta cua cuhva ra ta ra ndatu cha cua ndaca nuun suhva a cha suhva xuhun cuhva cha iyo vaha cuhva cha sata ta xico ñivi, ta cua ndaca nuun tiñu xuhun chi cuhva cha cua tiahvi tiñu chi, ta cha chito vaha tiñu ndaa cua cuatiñu tiñu chi, ta cuhva cha iyo yoso cua cuu tiahvi tiñu a cha cua cati vaha tiñu ndaa iti cua quee xuhun ta cua tiahvi tiñu xuhun ndaca nuun can.

Ta cha ña cua saxini tiñu cuenda cha cahan chi iti chata ihya, cha cuu iin Ñuhun a Municipiu cua cuu cua tihi chi cuenda cha cua ndaca nuun chi cha cua cuatiñu chi cuhva cha chini ñuhun nu ndaca ñahan chi iin tiempu cha ña cani ni, soco ña cua yaha tiñu siqui cuhva cha iyo tiñu, ta cuhva cha cua cuu quee vaha chi cuhva cha cahan ley tichi ñuhun Ñucohyo cha cua tava cha cuu Congreso de la Union. Cha tihi tiñu cuenda cha ña cani ni tiempu, nda ica cha cua tiahvi tiñu chi uni yoo xihna ca cha cua queta tiempu cha cua sandihi chi cha ndaca ñahan ra cumitiñu ndiso tiñu tiempu can, ta ña cua cuu ca cua ndaca nuun ndico tucu ra tichi uni yoo can cha cha cua sandihi chi cha ndiso tiñu ra.

IX. Ña cua satiahvi ra cuenda cha satiñu ñivi, cha cumi vaha ñi a xico ñi ndaha inu, tucu tucu cuhva a cha cua tiahvi yahvi xaan ñivi, ta ñavi ndatu chaha Vehe nu nducuiti ta nduinuun ra sacuaha ta tisovaha ley cuu chi

Vehe nu nducuiti ta nduinuun ra sacuaha ta tisovaha ley ta ndihi ra nducuiti ta tisovaha ra ta ra ley tichi iin iin Ñuhun cua tiso ra ta ra ley cha cua casi cha chihi xaan ñivi ndixi.