Naui Tlaijtolnechikoli

Tlen Moneki Kichiuasej Miyayotl Sentikatekitinij Uan Tekikalmen Tlen Mexkotlali

Makuilpoali uan majtlaktli uan sentipaj tlaijtoli. Tlan mochiuas tlaiyouilpamitl ka machiotlajtoltinin uan tlaijtoltlakamen tlenmachiotinin mexkosenkotili, yekantlajtoltijketl tlen axkayotl tepanitali tlen mexkotlali, melajmachiojkemen tlen ueyi kaltlapepenolpa, ueyi tlaixnamijkemen miyayotl tlakuaualistli, tekiamatlajkuilouanin, machiotlajtoltinin tlen D.F., tlayakanketl tlen D.F., axkayotl tekitijketl nejneuili uan D.F., uan tlaixnamijketl tekitlayakanketl uan tekitlapepenolpa, kema tlajtlakojke pan inin teki, machiotlajtoltinin nechikoli kijtos ka imiyaka tlen paya itstoke tlan kitlayouiltisej tlaixpanojketl.

Tlan tlakuaualpetonili amo motemakak pan machiosentili uajka mokotonas nochi tekpanali, uan yani amo kitosneki amoyok motokilis nopa tlaixpanoli kema tlaixpanojketl kitsonti iteki, uan inon amo kijtoua tlan nelia xitlauak o amo.

Tlan machiosentili kijtoua kena mochiuas uajka tlajtlakojketl mokauas pan imako tekichiuanin tlen katli kimelaua uan yani kichiuas tlen tlajtoua machiotlajtoli.

Katli ki melaua kichiuas mexkotlanauatijketl, uelis kitekjuisej pan machiosentili nechikoli tlen tlajtoua makuilpoali uan majtlaktlitipaj tlaijtoli. Art. 110. Pan ni tlajtoli, nopa machiosentili nechikoli ki senkauas tlen tlajtoua machiotl tlayouilpamitl tlen kimelaua.

Tlen uelis onkas tlayauiltili ka axkayotl tlaixpanolmen ka tlaltokayotl tlanauatiyanij, machiotlajtolkemen tlen tlatokayolmen,melajmachiojkemen tlen uexka tlajpixkemen uexketsalmen tlen tlaltokayolmen uan tlan uelis, tekipanoua nin tlen ueyi tlaixnamijkemen miyayotl tlakuaualistli, motokilis tlen tlajtoua pan ni tlaijtoli, inon pan yani tlajtoli, katli kijtos tlen uala uelis kinmachiltisej machiojketstilmen tlen tlaltokayolmen, tlen pan iteki kichiuasej ken moneki.

Chiualistli uan tlakuaualpetonili katli temaka machiosentilimen uan machiotlajtoltinin amo uelis kin tekiasisej.

Katli mochiuas tekpanali ika tlaixpanojketl uelis kitekikixtilisej kema kitlayouiltitosej.Tlan ni tlakuaualpetonili amo ki tlayouiltia tlaixpanojketl uelis sempa kitekimakasej. Tlan tlakuaualpetonili kitlayouiltia uan ni ueyi tlaixpanoli mochijki pan iteki, amoyok kimakase netlapopoluili.

Kema onkastlateljuilitlen ixkayotl maseualmen uan youi ika se miyayotl tekichijketl amo monekis kijtosej tlan uelis mochiuas.

Ni tlaiyouili momakas tlen tlajtoua machiotl tlayouilpamitl uan kema tlaixpanoli mochijki pan se tekitlatitlanili nopa tlaixpanojketl kiseli tomintlapaleuili uan kitlanauia katli kipiaj, mochiuas ken tlan mochijki uan kiseli se tlapaleuili tlen katli kichijki.

Nopa tomintlayouiltili amo panos tlen eyi ipatijka tlen katli kichijki.