Eyi Tlaijtolnechikoli

Naui Tekpanali

Tlen Tlalotl Tlakuaualistli

Makuilpoali uan ometipaj tlaijtoli.

A. Machiotlajtoli kinechikos axkayotl yekanmiyayotl, ni tekitinin kintokaxtis uan kinijkuinis mexkotlanauatijketl, tlen tlajtoua machiotlajtoli.

Axkayotl yekanmiyayotl kiixpantis axkayotl tekitijketl neneuili kitokaxtis mexkotlanauatijketl ka itlachialis machiosentili nechikoli uan tlan amo itstosej uajka kiixpantis senitstokej tekichiuanin. Tla elis axkayotl tekitiketl moneki: tlakatis pan mexkotlali; kitsontitjos ome kaxtoli uan makuili xiuitl kema kitokaxtisej; kipixtos pan iteki majtlaktli xiuitl pan ixkayotl tlen uapauali; kipixtos kuali tekichiuali, uan amo ki tlayauiltijke ka se ueyi tlaixpanoli.

Axkayotekitijketl uelis kipatlas ka ipakilis mexkotlanauatijketlki:

I. Tlakamen ixkayotl namikilteyouali tlatitlanili kipias se tlalnamiktianin kipixtos majtlajtli tekitlalnamiktianin tlen kin tokaxtisen tlen ome eyi tlen katli paya itstosen pan machiosentili nechikoli uan tlan amo itstosej uajka temakase ni tlachiali katli senitstoke tekichiuanin. Machiotlajtoli kijtos kenijki mochiuas kampa kintokaxtisej nopa tekichiuanin. Tlen sesen xiuitl mopatlasej ome tekitlalnamiktianin katli uejkatokej pan ininteki, uan elis kiompauisej pan ininteki.

Tlaj Ueyimexko Tlanauatijketl ax kiseli amatlalilistli tlen achtoui moijtok, kititlanis ka xoxolka pan Ueyisentilistli eyi itokaj uan kijtos ajkaya elis ka tonalpa ni Tlachiyajketl, ajkaya tekitis asta moijtos ajkaya kichiuas nochipa nompa tekitl kej moijtoua pan ni piltlanauatili. Tlaj ni eli, Tlachiyajketl nojkia ueli nesis ka eyi itokaj.

II. Kema moselijtok amatlalilistli tlen achtoui kamanali tlapankayotl, ka majtlaktli tonali tlen tokilia Mexkoueyitlanauatijketl kitlalis eyi itokaj uan temakas pan Ueyisentilistli.

III. Ni Ueyisentilistli, ka tetonilis uan achtoui inextili ka maseualmej tlen nesi inintokaj, kitokachtis Tlachijketl ka uasantli tlen ome pan eyi tlapankayotl ka maseualmej itstokej ka majtlaktli tonali.

Tlaj Ueyimexko Tlanauatijketl ax kititlanis eyi itokaj tlen moijtoua achtoui tlapankayotl, Ueyisentilistli kipias majtlaktli tonali ma kitokachtis Tlachijketl ka maseualmej tlen nesi pan amatlalilistli kej moijtoua tlapanka I.

Tlaj Ueyisentilistli ax kijtos ajkaya elis pan tonalpa kej moijtoua pan achtoui amatlajkuiloli, ni Ueyimexko Tlanauatijketl kijtos ajkaya Tlachijketl elis pan inintokaj itstokej ka amatlalilistli noso, tlaj, ka eyi inintokaj mokajtok.

IV. Tlachijketl ueli kiolinis Ueyimexko Tlanauatijketl ka pampa tlen moijtoua pan tlanauatilpa. Ni olinilistli ueli kitetsopasej ka usantli miakij tekichiuanij itstokej pan Ueyisentilistli ka tonalpa majtlaktli tekitonali, tlaj ijkinoj eli Tlachijketl mopatlas iteki.Tlaj Ueyisentilistli axtleno kijtos, moitas ax onka kuesoli.

V. Kema Ueyisentilistli achi moseuia, Nechikolis tlen ipanimaj itstok kichiuas tlanotsalistli nimantsi ma achi tekitikaj ijkinoj kitokachtisej ajkaya elis noso tlaj onkas kuesoli uajka moneki kipatlasej Tlachijketl.

VI. Kema ax itstos Tlachijketl uajka kitekipanos seki maseuali kej moijtoua pan tlanauatili.

Kichiuas axkayotl yekanmiyayotl, kin tokilis pan uexkaketsali, tlen nochi tlaixpanoli tlen mexkotlali; uan ya kinamiki tlajtlanis ma kinitstikan tlaixpanonin; kitemos uan kiixpanextis nochitlaixnextilme kampa nesi yajuantin kichijkej tlajtlakoli; uan no kichiuas ma nimaya kintlayauiltisej tlen tlajtoua machiotlajtolmen.

Tlachijketl kipias, achi, tlachijtekikalko pan tlapejpenilistli tlaixpanoli uan tlen kiteuia tlamantinij tlen axkuali, uajka itekitijketl kitokachtisej uan kiolinisej ka Mexko Tlachijketl. Ni tokachtilistli uan ilinilistli tlen tlachijketl ueli kitetsopasej pan Ueyimexko Sentilistli ka uasantli pan ome itlapanka tlen eyi tlen tekitianij itstokej. Ka tonalpa moijtoua pan tlanauatili; tlaj Ueyisentilistli axtleno kijtos pan ni tonalpa, mokuamachilis ax onka kuesoli.

Tlanauatili kisenkauas tetonilistli ka motlamachtis uan moixtomas maseualkualtiloli tlen tlachijtekikalko. Ijkinoj moixmoyauas itlamachtilistli ka sense maseuali, ya ni motlanauatis ka tlanauatilpa, xitlauak, tlen kuali, ka tlaixmatilistli, tepanitalistli ka maseualtepanitali.

Ni tlamokuitlauianin amo uelis kiximatisej kuesolmen tlapepenolpa, tekilistli uan teyoualtlajpixketl.

Ni tlamokuitlauianin katli kitlali machiotinin mexkosenkotili kitokaxtisej tlakamen ixkayotl namikilteyouali tlatitlanili; uan iseli monenemiltis uan kipias itomintlaxtlauil.

B. Machiotinin mexkosenkotili uan machiotinin tlen tlaltokayolmen, tlen kampa kinmelaua iteki ki tlalisekatli tlamokuitlauisej itstinin ixkayotin tlen tlajtoua machiotlajtoli tlen mexko, katli kiximatisej tlaixpanoli tlen kichijkej tekichiuanin.

Ni tekikalko tlen achtoui tlajkuiloli, kichiuasej maseualtlaijtoli, tlen ax motlatskilia, tlateljuilistli uan tlatetsopali ka tlanauatiyanij. Nochi maseualtekitijketl kipia tlanauatili ma kinankilis ni tlaijtoli tlen tekikalmej.Kema tlaijtoli ax kinselisej noso tlanauatiyanij noso maseualtekitianij ax kinselisej, ya ni moneki kijtosej kenke, uan kinextisej ipampa kijtoua amo; nojkia, Ueyisentilistli noso kema moseuia ni Tekitianij tlen ipanimaj tstokej, noso tlanauatiyanij tlen Tlaltokajyomej, kej elis, ueli kinotsas, ka tlajtlanilistli tlen tekikalmej, tlanauatiyanij noso maseualtekitianij tlen kipia tlanauatili ma moixnextikaj ka ni tekikalmejtlanauatili, ma kiixtomakaj kenke axkiselia ni.

Ni tekikalmej ax kuali moitas kema tlapejpenolka ikamanal uan ka tlanauatili.

Ni tekikalko kisenkaua Ueyisentilistli motokachtis Mexkotekitianij ka maseualtepanitali; kipias ka iseltik motlanauatis uan ka itomin, tlanauatili uan iaxkayotl.

Tlaltokajyotl Ueyiamatlanauatili uan tlanauatili tlen Tlanauatiyanij pan Distrito Federal kisenkauasej uan temachtli temakasej ka iseltik motlanauatisej tekikalmej tlen kikuitlauiaj maseualtepanitali.

Ni Ueyimexkotekikalko tlen maseualtepanitali kipias se Sentilistli kampa kintlajtlania ka majtlaktli maseualmej kineltoka kipejpenisej ka usantli ka ome tlapanka tlen eyi katli itstokej tlen Ueyisentilistli noso, kema moseuia, ka Tekitianij tlen ipanimaj itstokej, kej ka kuali uasantli. Tlanauatili kijtos ojtli tlen motokilis ka moixnextis tlen moijtoua pan Ueyisentilistli. Pan sense xiuitl mopatlasej ome maseuali tlen kineltoka uan achi kipiasej xiuitl pan ni tekitl, san tlaj kijtosej iniuampoyouaj sempa ma mokauakaj uajka ijkinoj elis pan ome tonalpa.

Tlen katli kinmoyakana pan tlakamen ixkayotl namikilteyouali tlatitlanili kintokaxtisej tlen tlajtoua achtiui pamitl. Uejkauas pan iteki makuioli xiuitl uan uelis mo ompauis sempatsi uan kipatlasej tlen tlajtoua tlajneneuilyotl.

Tlen katli kinmoyakana pan tlakamen ixkayotl namikilteyouali tlatitlanili kiixpanextis sesenxiuitl iteki katli kichijki ika machiotinin mexkosenkotili. Uan no moixpanextis pan machioltlajtoltinin nechikoli uan machiosentili nechikoli tlen tlajtoua machiotlajtoli.

Tlakamen ixkayotl namikilteyouali tlatitlanili kiximatisej kuesolmen katli kin ixpanextilisej. Ma ijkinoj elis moixnextisej kampa Sentilistli kej moijtoua pan tlanauatili.

Ni Ueyimexkotekikalko tlen maseualtepanitali kiixmatis tlen axkana kuali moita tlen tlaijtoli, senkaualistli noso tlen axkana motlachijtok pan tekikalmej iuikal kampa tlaltokajyotl.

Ni Ueyimexkotekikalko tlen maseualtepanitali ueli tlatejtemos tlachiualistli kej elis tlaixpanoli ka maseualtepanitali, kema kinamikis noso kitlajtlanis Ueyimexko Tlanauatijketl, sekinoj Ueyisentilistli, tlanauatijketl tlen Tlaltokajyotl, tlanauatijketl tlen Distrito Federal noso Sentilistli tlen tlaltokajyotl.