Eyi Tlaijtolnechikoli

Naui Tekpanali

Tlen Tlalotl Tlakuaualistli

Najpouali uan kaxtoli uan nauitipaj tlaijtoli. Uexkaketsali tlapepenolpa elis, tlen ikuilijtok pan ome pilijtoli tlen tlajtoua makuilpoali uan makuili tlaijtoli tlen ni tlajneneuilyotl, tlen ni ueyi tekitiketl pan tlapepenolpa.

Tlen kichiuase inin tekilistli, uexkaketsali tlapepenolpa nochipa tekipanojtos; in in nechikolis kampa kisenkauasej kamanali nochi kisematise, tlen tlajtoua machiotlajtoli.

Pan nopa ueyi uexkaketsali tlapepenolpa itstosej ka chikomej melajmachiojkemen tlapejpenolpa. Tlayakanketl tlen melajmachiojketl tlapepenolpa kitokaxtisej pan ueyi kaltlapepenolpa, tlen katli paya momelauaj, uan tekitis naui xiuitl.

Melajmachiojketl tlapepenolpa ya kinamiki kisenkauas kuesoli tlen itlamiltiya tlakuaualpetonili tlen amoyok uelis mopatlas, tlen tlajtoua ni tlanejneuilyotl uan sekinok machiotlajtolmen, tlen:

I. Tlen kuesoli kampa kintlapejpenijke amo mochijki ken moneki tlen machiotlajtolkemen uan tlaijtoltlakamen;

II. Tlen kuesoli katli moixpantiaj tlen tlapepenolpa amo mochijki ken moneki tlen mexkotlanauatijketl uan kisenkauas ueyi kaltlapepenolpa.

Ueyi kaltlapepenolpa san uelis kijtosej amo tlen ipatij se tlapepenolpa tlen tlajtoua machiotlajtolmen.

Ueyi kaltlapepenolpa kichiuas kipouas keski kiski tlauasanili tlen tlapepenolpa mexkotlanauatijketl, kema ya mosenkajki kuesoli katli motlali pan inon, kijtosipatijka tlapepenolpa uan mexkotlanauatijketl katli kitlanki uan kipixki miak tlauasanili.

III. Tlen kuesoli tlen katli kichiuaj uan kisenkauatekitiketl tlen tlapepenolpa tlen mexko, amo san se katli ijkuilijtok pan se uan ome pilijtolo, tlen kixpanoj machiotlajtolmen tlanejneuilyotl.

IV. Tlen kuesoli katli kisenkauaj tlen tekitinin katli itstoke pan tlaltokayolmen, katli kisenkajkeuan kitsontlamiltijke, kampa kinenemiltisej uan temakas ipatijka ajkeya kitlanki pan tlapepenolpa nojkia kisenkauasej kuesolmen katli panos pan tonalpa tlapepenolpa, pampa inon moixpanextis ajkeya tekitis pan nopa tlapepenolpa.

V. Tlen kuesolmenkatli kichiuaj o tlakuaualpetonili katli kintlanaui ixkayol tlen tlauasanili, uan katli kintlalijke ni katli kintlapepenise uan kinuasanisej, kampa uelis se kinekis uelis moijkuilos pan nechikol tlapepenolpa tlen tlajtoua tlanejneuilyotl uan machiotlajtolmen. Tlan se maseuali kineki moixpantis pan uexkaketsali tlapepenolpa tlan kichiulijkej tlaixpanoli kampa moijkuilojtok nechikol tlapepenolpa, moneki kitlamiltis achtiui kampa mosenkauas, machiotlajtoli tlajtos kenijki uan kema kichiuas.

VI. Nopa kuesolmej pan tekipanolistli ipan uexkaketsali tlapepenolpa uan itlapaleuijkauan.

VII. Nopa kuesolmej pan tekipanolistli ipannopa kaltlasenkauanij tlapepenolpa uan itlapaleuijkauan.

VIII. Tlaijyouilotlkatlitemaka kaltlasenkauanin tlapepenolpa pan nechikol tlapepenolpa uan maseualmejtlen ni mexkotlali uan analieuanin, katli kiixpanosej tlanejneuilyotl uan machiotlajtolmen.

IX. Sekinok katli kijtoua machiotlajtolmen.

Uexkaketsali tlapejpenolpa kitekiuisej nopa tlaijyouiltili tlen kenij uelis ki chiuasej ini tlasenkaualis sanken kijtouamachiotlajtoli amatlanauatili.

Amo mo ixpanos katli ikuilijtok pan makuilpouali uan makuili tlaijtoli (Art. 105) tlen ni tlanejneuilyotl, uexkaketsali tlapepenolpa uelis kijsenkauas tlan amo mo tekiui machiotlajtolmen tlapepenolpa uan kitlanauia tlanejneuilyotl. Tlakuaualpetonili katli momaka, kisenkauas kuesoli tlen katli mochijki. Ueyi kaltlapepenolpa tlamachiltis pan axkayotl tepanitali tlen mexkotlali.

Kema uexkaketsali tlapepenolpa kijtos kema kitlanauia tlanejneuilyotl katli inka yaui xitlauak, uan katli kichiua tlakuaualpetonilini tlen se pilijtoli pan tlanejneuilyotl, uan ni tlakuaualpetonili amo san se kisenkajki axkayotl tepanitali tlen mexkotlali, katliueli yekantlajtoltijketl uelis kiixpantis nopa kampa amo san se kisenkajketlen tlajtoua machiotlajtoli uan axkayotl tepanitali tlen mexkotlali kijtos kenijki mosenkauas.

Uexkaketsali tlapepenolpa, katli kimelaua tlen kenijki kisenkauas se kuesoli, kichiuas tlen tlajotua ni tlenejneuilyotl uan machiotlajtolmen.

Ueyi kaltlapepenolpa kichiuas iseli uan kema kin tlajtlaniaj sekinok tekitinin, kiualikas kuesolmen tlen katli yajuantin kiximatij; no uelis kititlanis kuesolmen katli kiximati sekinok tlanauatinin tlen kiampa kimatis uan kisenkauas.Nimachiotlajtolmen kijtos kenijki mochiuas.

Tlen amatekikayotl, tlamokuitlauili uan kuali nemiltili pan uekaketsali tlapepenolpa mochiuas, tlen tlajtoua machiotlajtoli, ueyi tlaxnamijketl miyayotl tlakuaualistli tlalotl,uan monelkualtia ka tlayakanketl tlen uexkaketsali tlapepenolpa, katli kimoyakanas, se melajmachiojketl tlapepenolpa pan ueyikalnechikoli; eyi tekitinin tlen ueyi tlaixnamijketl miyayotl tlakuaualistli tlalotl. Uexkaketsali tlapepenolpa kijtos keski tomin kitekiuis tlen tlayakanketl axkayotl tepanitali tlen mexkotlali uan ka ni kitlatskiltise pan amatomintlajtlanili tlen mexkotlali. Nojkia uexkaketsali tlapepenolpa kichiuas ixitlaualis uan senkauali ka kuali yas tekipanolistli.

Melajmachiojketl tlapepenolpa katli itstose pan ueyi kaltlapepenolpa kintokaxtise ka tlapepenolpa ome tlen eyi tlauasanili tlen machiosentili nechikoli katli temakas axkayotl tepanitali tlen mexkotlali. Katli kintokaxtisej uan kitlankej pan tlauasanili mochiuas tlen tlajtoua machiotlajtoli.

Melamachiojketl tlapepenolpa katli itstosej ueyi kaltlapepenolpa moneki kipias tlen tlanauatia machiotlajtoli, uan amo kipias pilkentsi katli tlajtlani katli elis yekantlajtoltijketl tlen axkayotl tepanitali tlen mexkotlali, uan itstosej pan ininteki chiknaui xiuitl uan amo uelis moueyiakilis. Katli kikajki iteki ka ipakilis, amo yajki tekiti uan tekisiajketsali pampa kimonekili tlen melajmachiojketl tlapepenolpa tle ueyi kaltlapepenolpa mochiuas uan temakas inon, tlen ixuitlaualis katli kipia, uan tlen tlajtoua najpoali uan majtlaktli uan chiueyi tlaijtoli pan ni tlanejneuilyotl.

Melajmachiojketl tlapepenolpa katli itstoke moneki kipias tlen katli tlajtlani machiotlajtoli, katli amo uelis kipias pilkentsi katli tlajtlani melajmachiojketl youalol axkayotl. Uan itstosej pan ininteki chiknaui xiuitl uan amo uelis moueyiakilis, uan kena uelis tlan kintekipatlasej pan seyok ueyi tekitl.

Tlan onkas tekikakiuili uajaka motokaxtis yankuik melajmachiojketl uan yani tekitis tlen tonali katli poliui.

Nochi tekipanouanin tlen uexkaketsali tlapepenolpa kiuikas pan tekichiuali tlen tlajtoua machiotlajtoli.