Eyi Tlaijtolnechikoli

Naui Tekpanali

Tlen Tlalotl Tlakuaualistli

Najpouali uan kaxtoli uan ometipaj tlaijtoli. Melajmachiojkemen uan tlapixkemen katli mopantiaj pan tlaltokayolmen tlen mexkotlali, tlalotll tlakuaualistli yani kintokaxtis tlen tlajtoua machiotlajtoli. Uejkauase pan ininteki chikuase xiuitl, uan kema tekitlamisej uelis kinmakase uejkapa tlanauatijkayotl, uan uelis kintekikixtilise tlen tlajtoua machiotlajtoli.

Axkayotl tepanitali tlen mexko uelis tlanisej pan axkayotl teipanitali tlen wexkapan tlatemolikenijki tlanauatiya axkayo tlajpixketl.

Nopa axkayotl tepanitali tlen mexkotlali kitokaxtis uan kijkuinis itekitlajkuilojkan uan sekinok tekitinin. Melajmachiojkemen uan tlapixkemen kintokaxtis uan kinijkuinisej inin tekitinin uan sekinok tekipanouanin tlen youalolaxkayotl uan tlen tlapixkemen katli mopantiaj pan tlaltokayolmen.

Najnapa xiuitl,nopa mosentiliyanij kintlajpejpenisej uan kitokaxtise se tlen kintekitlayakanas, ni amo uelis sempa kitekitlalise kema nimaya tekikaua.

Sesenka yekantlajtoltijketl tlen axkayotl tepanitali tlen mexkotlali, kema kipeualtis tekipanos,pan iteki kichiuas tekimaitlselilistli ixpan tlaijtoltlakatl tlen kiani:

Tlajtoani: “¿Ti titekimaiselia tichiuasken moneki uan ken mexkoejketl nopa tekitl yekantlajtoltijketl tlen axkayotl tepanitali tlen mexko tlai tlen katli ama mitsmaka uan ti kajokuis uan ti chiuas katli kijitoua tlanejneuilyotl tlen mexkotlali aun imachiotlajtolmen tlen katli paya meya, ka kuali tlachixkayotl pan nochi tlen ikualtijka tlen to mexko?”.

Yekantlajtoltijketl:“kena ni tekimaiselia”.

Tlajtoani: “Tlaj amo kiampa ti chiuas, mexkoitstinij ma mits tlaijyouiltika”.

Melajmachiojkemen uan tlapixkemen tlen itstoken pan tlaltokayolmen tekimaiselilisej ixpa pan axkayotl tepanaitali tlen mexkotlali uan ueyi tlaixnamijketl miyayotl tlakuaualistli tlalotl.