Tiitulo Uni

Capiitulo IV

Cuhva cha iyo ra tachi tuni ta ra

Artiiculo 97. Ndihi ra cuu xini ch ira tachi tuni t ara ñivi cha iyo cuenda Consejo de la Judicatura Federal cua tiso chi ñi, ta cua savaha ñi cuhva cha cati ley chi ndihi cha cua ndaca chi cha iyo chi cha cua sacuinu ñivi can ta ñi. Iñu cuiya cua cuu cuiso tiñu ñi, soco tu cha cua sama tiñu chi a cua ndaa tiñu chi ñi, cua cuu saña ñi cha ndacu ñi cuenda tiñu cha ni quihin ñi, ta cua cuu chi cuhva cha cati ley.

Cha cuu Suprema Corte de Justicia de la Nacion cua cuu cahan chi chi ñivi cha iyo cuenda Consejo de la Judicatura Federal cha na cua sacuaha tiñu cuhva cha satiñu ñi tu iyo iin ch aña vaha ni savaha ñi.

Ñivi cha iyo cuenda Suprema Corte de Justicia cua tiso a cua satuñu chi ñivi cha cuu secretario chi ndihi ca ñivi cha satiñu ican. Ta ñivi cha cuu Magistrados chi jueces cua tiso ta cua cuu satuñu chi ñivi cha satiñu ican, tacan ni chi ndihi ca ñivi cha iyo cuenda cha cuu Tribunales de Circuito chi ñivi cha iyo cuenda nu cuu chi Juzgado de Distrito, ta cua cuu chi cuhva cha cati ley cuenda cuhva cha tachi tuni tiñu.

Cumi cumi cuiya ta cua nacachi tiñu chi ra cua cuu Xini chi vehe tiñu un iyo ra cuu xini chi ndihi ra tachi tuni tichi ñuhun Ñucohyo ta cha iyo cuiti ndihi ñivi cha satiñu ican, ta ña cua cuu ca nachi ndico tucu tiñu chihin ra ica cuiya cha vachi.

Iin iin ra ndiso tiñu vehe tiñu nu iyo ra cuu xini chi ndihi ra tachi tuni tichi ñuhun Ñucohyo quivi cha cua quihvi ñi ican cua cuhva ñi tuhun yuhu ñi nu cuu chi cuenda senado, ta cua cati ñi cuhva ya:

Ra cuu Xini: “¿Ndoo cun vaha cha cua cuinu ndicaha cun cuhva cha cuni cun ñuhun cun cuhva cha cua cuiso tiñu cun Vehe tiñu nu iyo ra cuu xini chi ndihi ra tachi tuni tichi ñuhun Ñucohyo cuhva cha chaha tiñu chi chihin cun ta cua canihin vaha cun chi ta cua sacuinu cun cuhva cha cahan Ley cahnu cha iyo ñuhun Ñucohyo ya ta ndihi ley cha ndaa nuun chi cuhva cha cua cuhun ca ñuhun ya iti nuun?”

Ra ndiso tiñu: “Ndoo-i vaha”

Ra cuu Xini: “Ta tu cha ña cua savaha cun cuhva can, cua ndaca ñuhun ya cuenda chihin cun”

Ndihi ra cuu Xini cuenda iin chiyo ni cha cuenda iin Circuito chi ra tachi tuni ta ra cua cuhva ra ta ra tuhun yuhu ra iti nuun Vehe tiñu un iyo ra cuu xini chi ndihi ra tachi tuni tichi ñuhun Ñucohyo chi iti nuun nducuiti ra tachi tuni cuenda judicatura.