Eyi Tlaijtolnechikoli

Eyi Tekpanali

Tlen Mexkotlanauatijketl

Najpouali uan chiknauitipaj tlaijtoli. Tlen katli kimelaua uan katli kichiuas mexkotlanauatijketl yayani:

I. Kimoyauas uan kichiuas machiotlajtolmen katli kichiuaj machiotinin mexkosenkotili;

II. Kintokaxtis uan kinpatlas nochi tekitlajkuilouanin, uan kinpatlas nopa tekitinij tlaixpaneltilmej uan katli tekittomintlajkuilouanin, uan sekinok tekipanouanin;

Tlakuilouani pan tlaltokayotl uan sekinok tekipanouani kakiuil tominkuitlauiyani kalakis ipan tonali kemaj ya kimakakej se amatlakuiloli kampa yayak tekitis.

Kemaj ya kiikuilokej nopa amatlajkuilolme tokaxtiya” amatlajkuilouani uan kemaj se axkiaxiliya ni mexkosentikatlanatijketl ka sentik ijkuiloli ika ome uan tokaitl kampa amatlakuilouani tlaltokayotl. Uaka tekitis nopa maseuali ipan mexkosentikayotekitijketl.

III. Kintokaxtis yekantlajtoltinin, tekitinij tlaixpaneltilmej ka itlachialis kaltlaijtoltlakamen;uan sekinok tlanauatiyani ipan ni kakiuili tepos xoyaktlajtoli tetikayotl, kunke kimelaua tomi.

IV. Kintokaxtis katli kiinextis tlen uejkapan tlaijtoltlakamen, tlentsonkotomej uan sekinok uejueyintin ika itlachialis kaltlaijtoltlakatl;

V. Kintokaxtis nelaxkayolmen tlen tsonkotomen uan sekinok uejueyintin tlen tlajtoua machiotlajtoli;

VI. Kiuejkapantlalis mexkotlamokuitlauilistli tlen kinextia machiotlajtoli, uan kitekiuistlen nochi tsonkotomej ipan mexkotlali, nojkia tlen ajakatsonkotomej tlen onkas tlamanauilistli pan ni mexkotlai uan anali;

VII. Kipias katli mexko tlamokuitlauilistli tlen tlajtoua panexpoualiuan matlaktli uan chikuasej tlaijtoli pan naui pilijtoli;

VIII. Tlamachiltis kema onkasyaoyotl kualantli ika itokax tlen mexkotlali tlan eltos machiotlajtoli pan machiotinin mexkosenkotili;

IX. Kitokaxtis axkayotl tekitijketl nejneuili ka itlachialis kaltlaijtoltlakamen;ki olinis,kijtoua ni amatlajtoli itlakotonka makuili pouali iuan ome tlajkuilolpamitl” A” kanji tlanejneuilyotl;

X. Kiyakanas analieuanin tlachiualistli, kichiuas sentlalilistli tlen analieuanin, nojkia kitlamiltis, kitsakulis, kipatlas, kineltlalis, kijkuinis ika itlachialis kaltlaijtoltlakamen.Pan inenemilis tlachiualistli mexkotlanauatijketl kitlachilis tlen yayani ipejka: iseltika teyoualaltepemen, amo mokalakis, mosenkauas kaimelajka kuesolmen, amo ka tlamamatili o ka tsokototetikayotl, ka san se tlapaleuili, ka sentikatlapaleuili analialtepemen, ma onka pakiliskayotl uan analitlamokuitlauili;

XI. Kin nonotsas ueyi nechikoli tlen nimaya ika itlachialis eltipa tekitlaixnamikili;

XII. Kimakas kakiuili tlakuaualtekatl tekiua tlapaleuili katli kimonekilis tlen kichiuas iteki;

XIII. Kitlalis tlamokuitlauianin pan ueyiamen uan tlen tlanepamitl uan kitlalis kampa eltose;

XIV. Temakas tlen kitoua machiotlajtoli tlapopoluili katli kaltsatokej katli kimelaua kisenkauas;

XV. Temakastlamajkauili san kentsi tonali katli kinextijke uan katli kikualchichijke kaltekichiuali tlen tlajtoua machiotlajtoli;

XVI. Mexkotlanauatijketl amo uelis temakas amatokayotl katli kijtoua III, IVuan IX pilijtoli,kema machiosentili nechikoli amo mosentilitokej uan tekipanotojke;

XVII. (Moixpolo);

Sentikayotl tlanauatijketl imiyaka mouantis kampa kiselitokej tlajtolmej uan sekinok tlapaleuilistli uelis kiselisej kunke miyaki moixpantijke machiosentili nejchikoli o mo kualanijke ka ni mexkosentikatlanauatijket ika sentik.

XVIII. Temakas ka itlachialis kaltlaijtoltlakamen ka eyi tlapepenilkayotl tlen kitokaxtisej axkayotl tepanitali tlen mexkotlali, tekisiaketsali uan tekitlamilistli;

XIX. Moikuinis kampa kiski nopa tokaitl kijtoua ni itlakotonka chiuasej mexkosentikatlanauatili kichijki ni ueyi tekitijketl pan mexko, kijtoua mexkosentikatlanauatili pan ni nauatili.

XX. Uan nochi katli moixpantia pan tlanejneuilyotl.