Eyi Tlaijtolnechikoli

Eyi Tekpanali

Tlen Mexkotlanauatijketl

Najpouali uan nauitipaj tlaijtoli. Tlanamo moixpanti mexxkotlanauatijketl, ipan tlatsinkuil tlen ni ome xiuitl tekipanolpa, tlan machiotinin mexkosenkotili itstoke pan nechikotekitl, uajaka elis nechikol tlapepenolpa, uan tla itstosen tlen ome o eyi tekitinin, kitokaxtisej ka imiyaka tlauasanili mexkotlanauatijketl katli tekipanos pan ino kakikuili; ueyi nechikoltlateyoualol ipan majtlaktli tonalitlen teipa kichiuas amatlanonotsali tlen sempa kintlapepenisej mexkotlanauatijketl katli kitsontis tekilistli; uan tlapepenolpa amo kipanos majtlaktli uan naui metstli uan amo kipanos kaxtoli uan eyi metstli.

Tlaj moixpanti Ueyimexko Tlanauatijketl, mekajtsa ueyinechikol tlateyoualol kitokachtis se tlanauatijketl tlen ueli itstos pan se tonalpa noso nochipa mokauas, ya ni ueli panos pan tonalpa ka expouali tonali, Ueyi tlanauatijketl tlajkuilojketl kiixpantis ni tekitl pan se tonalpa kej Ueyimexko Tlanauatijketl. Tlaj ni elis axmotekiuis piltlanauatili II, III, uan VI tlen 82 sempantik tlaijtoli tlen ni Ueyiamatlanauatili.

Ajkaya kitekiuis pan se tonalpa ni Ueyimexko Tlanauatijketl iteki axkana uelis kipatlas noso kiolinis sekinoj tekichiuanij tlen Tlajkuilojketl noso Tlanauatiyanij, Nojkia kitemakas pan Ueyinechikol tlateyoualol se amayolmelaualistli tlen tekitl kichijtok pan tonali ax panos majtlaktli tonali, mopouas pan kauil kema tlamis iteki.

Tlan amo momelaua mexkotlanauatijketl pan itlamiyan naui xiuitl tekipanolpa, tlan ueyi nechikol tlateyoualol kitokaxtis ipatlaka mexkotlanauatijketl katli kitsontis ni tekitl; tlan amo monechikojtos, eltipa tlaixnamikili kitokaxtis mexkotlanauatijketl katli tekitis san kentsi tonali uan tlanonotsas ueyinechikoli tlateyoualol pan seyok nesentilili uan mochiuas tekinechikoltlapejpenili uan kichiuas tlen ipatlaka mexkotlanauatijketl.

Tlan ueyinechikol tlateyoualol amo itsosej pan tekipanoli, uajaka eltipa tekitlaixnamikili kitokaxtis mexkotlanauatijketl katli tekipanos san kentsi tonali uan tlanonotsas ma mosentilika nimaya uan kitokaxtis yani tekichijketl uan temakas amatlanonotsali tlen sempa kitlapejpenisej mexkotlanauatijketl.

Tlaj ueyinechikol tlateyoualol ax mosentilis, ni Nechikolistekitl tlen ipanimaj itstos kichiuas tlanotsalistli nimantsi ma tekitikaj ijkinoj kintokachtisej Tlapejpenili Sentilistli uan kitokachtis se Ueyimexko Tlanauatijketl ka ojtli tlen iapnimaj mochiuaskia.