Iyojok Tlaijtolnechikoli

Se Tekpanali

Sesenkatsitsij Tepanitali

Sempoali uan sentipaj tlaijtoli. Tlen tlaiyouilistli kimelaua kiixpantlalis tekititlakualtekatl.Tlen kitemos iuan kitojtokas tlajtlakolmej kimelaua kiixpantlalis yekanmilistli, tlen kimapaleuis se tlamokuitlauiketl tlen itstos ipan iteki iuan inauatilis. Kimelaua tekitiketl tlatekiyotl tlen kiixpantlalis tlaijouili katli kiixpano amatekpanalmej tlatekiyotl iuan tekpanaltlamokuitlauia, kampa kiixpantlalisej saj tlaiyouili iuan kaltentsakuali tlen amo panos sempouoali uan majtlaktli uan chikuasej kauitl; kema nopa tlaixpanoketl amo kinekiyaya tlaxtlauas tlen kiiljuike uajka kikaltentsakuasej tlen amo panos sempouoali uan majtlaktli una chikuasej kauitl.

Tlajnopa tlaixpanoketl ya se maseualtekipanoketl, tlatlanketl, iuan santekipanoketl, amo uelis kitlayouiltisej ika tlaxtlauili tlen panos katli yaya kitlani ipan se tonal.

Nopa tekipanouanij tlen amo kiselia tlaxtlauili, kin inamasejtlen amo panos se tonal tlen ya kitlani.

Nopa machiyotlajtolmej tlen kichiua yekanmilistli amo moaxitia tlayejyekol iuan kikauili pampa sankino ontlamis kuesoli, uelis kimotlajtlanisej ipan tlajtolketsali tlen katli kiijtoua tlajkuiloltekpanali.

Nopa chiualketstli axkayotl uelis ika sentik kamanali tlen kampa kimelaua, kiixmatis iteki se uekapan teyoualtlajpixketl tlen itetikayo kampaueli.

Nopa tlamokuitlauilistli ipan miyayotl kimelaua kitekipanos axkayotilotl, teyoualaxkayotl, tlateyoualmej uan nepanteyoualmej, tlen kampa ueliyaya tekitisejtlen kiijtoua niya tlanejneuilyotl. Nopa ininmachiyoteki tlalnamikyantinij tlamokuitlauiyani kipia tekitisej ika xitlauali, kualtili, momachtili iuan ika panitali. Tlen yekanmiyayotl uan tlalnamikyantinij ika eyi tlanauatil tekitini uelis mopaleuisej kiani kemaj kitsontisej asitilistli tlen tlamokuitlauilistli miyayotl uan tlajtolpiyali tlen tlachiuali iuexka tlamokuitlauilistli miyayotl,kampa motlakechitos ka yani:

a) Axkapantil tlapejpenali,katli kalaki, mopantiya nochipa tonali, machtijkayotl, tlaneltokayotl uantlayejyekmatili ika imaxuan tlalnamikyantinij tlen tlamokuitlauiyanij miyayotl. Tlayejyekoli uan moskaltili kani tlachiualismej elis yejyekoltlanili tlen axkayotilotl, D.F, tlateyoualmej uan nepanteyoualmej ipan kakiuili tlakechtil ini nauatil.

b) Motlaliyatlajtolmatilmej mauilil tlaixpanolmej uan tekipanouani ka tlanamikyantinij tlen tlamokuitlauiyanij miyayotl.Iyonsej maseuali uelis mokalakis ika tlalnamikyantinij miyayotl tlaj amo tokaxtlaltos uan amatokayotl ipan tlachiuali.

c) Tlachiualsentika nechikoli monekiltiya kixkononasej tekipanoli tlen tlaixpanolismej.

d) Kiixtlalis tlatlanilistli teyoualikampa tlapaleuis, ka sekinokej, ipan tlachial teluili ka tlanexkayotl tlen ixpantlajtoli ka mauilil tlajtlakoli kiani sankej tlalnamikyantinij tlen ttlamouitlauiyani miyayotl.

e) Sentik tlapaleuili axkayotilotl kemaj tlamokuitlauiyanij miyayotl, iuexka mexko uelis kinmakasej tlaltokayomej axkayotilotl uan nepanteyoualmej kampa kimeleuas tlaasitilistli.