Iyojok Tlaijtolnechikoli

Se Tekpanali

Sesenkatsitsij Tepanitali

Kaxtoli uan eyitipaj tlaijtoli. Tla mochijki se tlaixpanoli amo tlauel mauililo, katliitlatlajkolueliski kaltechose.Kaltsakualistlieltos yoksejko, amo kampa kichiuilisej tlatsintokili, mosenkauas sansejka.

Mexkotekichiuanij uan tlaltokayolmej kinelkualtilisej tlaiyouili kampa kinmelaua ka tekitilistli, ka tlanextilistli uan tlamachtilistli kampa tlen mokuali kuepas tlaixpanojketl.Tlen siuamej kintlayauiltisej amo san sejko kampa itstoke tlakamej.

Tekitinij tlen tlaltokayolmej, kichiuasej tlen katli kijtoua tlanauatili kampà itstoke, uan uelis kichiuasej sentlalilistli ka mexkotlanauatilpa, kiampa katli kinteljuitokej tlen kichijkej se tlaixpanoli paya kintlamiltika itlayouili pan kalmej tlen kinauatiaj mexkotekitijketl.

Mexkotlanauatilpa, tlaltokayolmej uan D.F. tekitinij kichiuase, tlen kampa kinmelaua, se sentikatlayajouili uan ika yani kinaxilis katli akinejki se tlaixpanos, tlen katli kitsontise matlajtli uan ome xiuitl uan katli ayamo kitsontia kaxtoli uan eyi xiuitl, tlen eltok yolchikaualistli pan tekpantlajtoli, uan sekiniok xitlaualismej katli moiximajtok. Katli kichijki se tlaixpanoli uan ayamo kitsontiaj matlajtli uan ome xiuitl, ni san kintlalnamiktisej uan kinmapaleuisej tlen monelkualtilis.

Ni sentikjkatlayojouilitlen sesenka tlanauatilmej kichiuasej tekikalmej, mauililtekitinij uan tekichiuanij katli kiximati tlen kisenkauasej se tlenijki katli kichiuasej tlelpokamej.Uelis san kintlalnamiktisej, kinmanauisej uan kintlakayopajtisej, kichiuase ken moneki, uan ken kineki telpokatl.

Nochi tlayajouili mochiuas ken moneki. Ininyolchikaual telpokamej mochiuas ken tlajtoua tlanauatili, uan tekitinij nojkia kichiuasej kampa kinmelaua. Ni mochiuas tlen kitasej tlan ueyi o amo tlaixpanoli uan teipa telpokatl mokuepas pan iteyoual ka iuikaluan, uan kiampa ueias ka tlaixmachtili.

Kaltsakualistli mochiuas kema tlaixpanoli tlauel mauililo uan tonaltsakuilistli amo neluejkauas, uan ni kinaxilis katli ya kitsontijke matlajtli uan naui xiuitl, uan teipamej, pampa tlaixpanoli kichijke mauililo.

Mexkotlaixpanonijkemej katli momelaua pan seyok analialtepemej pampa kichijke se tlaixpanoli uan kinkaltsaktokej, uelis kin ualikase pan mexkoaltepetl uan nika kitsontise inin tlaixpanol ken tlajtoua mexkotlanauatili pan ni tlaijtoli; uan katli tlaixpanojke uan amo mexkoeuanij, uelis kinuikasej pan ianalialtepetl, mochiuas ken sentikatekichiuali eltok.

Tlanauatijkemej tlen tlaltokayolmej uelis tlajtlanisej ka mexkotlanauatijketl, ka itlaketsal tlanauatili, ma kiselika tlaixpanonij ken kijtoua sentikatekichiuali.Kema kintitlanisej, kinualikasej tlaixpanonij mochiuas tlan kinekisej o amo.

Tlaixpanojkemej katli kitstokej tekichiuanij, ken kijtoua tlanauatili, uelis kinkaltsakuasej nechka pan ichampa, uan kiampa teipa uelis mokuepas pan iteyoual.