Iyojok Tlaijtolnechikoli

Se Tekpanali

Sesenkatsitsij Tepanitali

Kaxtoli uan sentipaj tlaijtoli. Amo aki mits kuesos pan monemilis, pan mochaneuan, kampa tiitstok, amamej uan nochi katli ta moaxka, uelis mochiuas inoj ka se amatlanauatili tlen se tekitijketl katli kimelaua, katli kijtos kenke mochiuas, tlake panok pan ni senkaualotl.

Amo aki mits kuiti tla amo tleno tlanauatil tekitlajtoltiyanilistli uan tla amo aki mits teljuitok ka tekichijketl o katli kiixpanojke amo yampatsa moteljuitok ka tekichijketl, ka se tlaixpanoli tlen tlajtoua tlanauatili ken tlaixpanoli, uan ka yani amo uelis kipias nemajkayotl, tlen eltika tlen kichijki uan ka yani yaya nelkichijki.

Tekichijketl katli tlanauatia akinejki kikuitij, nimaya katli tlaixpano kitlalisimako tlaijtolmanauijketl, amo kiuejkaualtis. Tla amo mochiua ken moneki uajka tekichijketl tlachtlauas itlaixpanol ken tlajtoua tlanauatili.

Kema akinejki kitasej kichijtok se tlatlajkoli, uajka katliueli maseuali uelis kitskis uan nimaya kikauati ka tekichijketl katli ki melaua, uan yani nimaya kipanoltis ka kuesoltlasenkajketl.

Kema se tlajtlakoli tlauel mauililo tlen tlajtoua tlanauatili, uan tlatlakojketl katli kichijki tlaixpanoli kinekis ualcholos, uan kema amo ueli se yas ka tekitlajtolchijketl pampa tlauel uejka,kuesoltlasenkajketl uelis tlanauatis ma kitskiti tlen yaya kitos pan amatlajkuiloli tlake panotok, uan kenke mochiuas inoj.

Tla se tlenijki mochijki mauililo, tlajtlakojketl kitskijke pampa kitake tlen kichijtok se tlaixpanoli, kuesoltlasenkajketl katli kiselia ni tlatlakojketl maseuali, nimaya kiamatlajkuilos uan kitas tla nelnelia tlatlakojketl, tlan amo uajka nimaya kimakas nemajkayotl tlen tlajtoua tlanauatili.

Kuesoltlasenkajketl amo uelis kipias tsaktos se maseuali tlen panos sempoali uan chikueyi kauitl, yani kimakas nemajkayotl, tla amo uajka kipanoltis ka tekitlajtolchijketl, ni kauitl uelis mo ompanos san kampa inoj tlajtopua tlanauatili, ken katli kichiua sentiktlajtlakoli. Tlan amo mochiuas ken nika ijkuilijtok, tekichijketl yaya tlatsakuas, tlachtlauas itlaixpanol ken tlajtoua tlanauatili.

Kema onka tlanauatili kikuitij se tlenijki tla san sejko eltok o amo, tlanauatis pan amatlajkuiloli tlaijtolmanauijketl, ijkuilotos kanke nopa yase, kijtotos katlike maseuali o maseualmej katli kin istkitij uan katli se tlenijki motemoua, uan mopchiuas san katli kijtoua tlanauatili, kema tlamisej kitlananase se amatlajkuiloli ixpa ome maseualmej katli kitake, uan ni kintokaxtis katli iteko, tlan amo aki o amo kineki uajka kintlalis katli kichiua ni tekitlanauatili.

Amo ueli mits iljuise amo aki tinonotsas. Tla amo mochiua ken tlajtoua tlanauatili, tlayakananij kin notsasej uan mosenkauas tlaixpanoli. Uelis kichiuasej tekitlajtoltiyanij, kema tlajtlani ueyitlajtolmexkotekichijketl, tlan amo nojkia uelis kichiuas kuesoltlasenkajketl tlen tlaltokayotl tlen kimelaua, ma tlatlakojketl ma tlanonotsa kan se aki.

Tekichijketl katli kimelaua, pan se amatlajkuiloli kijtos katli ni mochiuas, ka ajkeya kamanaltis, uan keski kauitsitsi tetias kamanali. Ueyitlajtolmexkotekichijketl amo uelis temakase kakiuili ma se tlanonotsa tlan yani mochiuas pan tekitlapejpenili, tlanemakiltipa, kuesoluikayotl, tekipanolpa o tlatekiyouili, nojkia amo uelis kinonotsas katli kimanauia.

Nochi tlanonotstli katli motemakas mochiuas katli moijto tlen tlajtoua tlanauatili. Tlan amo mochiuas ken moneki uajka amo kipias ipatijka.

Tlatekiyouili uelis kalpaxalotikiampa kitas tla mochijki ken moneki uan kuali kichijki tsontekichijketl tlen tlajtoua tlanauatili; uan uelis tlanauatis ma moixpanexti amochmej, amamej tlen ka inoj uelis kijtos mochijki ken moneki, ken monauati kikuito se tlenijki tlen eltok tlnauatili.

Kalamatlajkuiloselistli uan amamoyajketl, kipia majkauili tla moijkuilos, tla amo mochiua ken moneki tlajtos tlanauatili.

Kema onka pakiliskayotl, yon se tsontoko uelis kinekis mokauas pan mochampa tlan ta amo tineki, uan amo uelis mitschiualtis ma xipaleui. Kema onka tlauilanali tsonkotomej uajka kena uelis tlatlanis ma mokaua pan mochampa ka itlamamal, uelis tlatlanis tlakuali uan seyok tlapaleuili, tlen tlajtoua inintlajtolxitlauali.