Iyojok Tlaijtolnechikoli

Se Tekpanali

Sesenkatsitsij Tepanitali

Ometipaj tlaijtoli. Mexkotlali amo uelis motlajkotlapanas.

Pan ni mexkotlali itstokej maneltikej maseualikiniuaj katli momelaua pan teyoualmej, uan ni ualaui tlen saniki ya itstoya pan ni mexkotlal tlen uajka ayamo asitoya analieuanijuan kipia ininkalchikolis, tomintekitlaxtlauili, uejkapantlalnamikili uan tlamantli tlaneneuili.

Ixtlimaseualtlaneneuili ni katli ipati ikayampa nesis ajkeyamej monelkualtia pan teyoual maseualmej.

Teyoualmaseualmej katli kichiua se sentikanok nechikolistli, tomintekitlaxtlauili, uan uejkapantlalnamikili, tlen itstoke pan se almontlali uan kipia inintekichiuanij katli yajuanti kintokaxtia ika uejkapantlalnamikilis.

Ixitlaualis maseualteyoualmej kipia majkauilistli,mochiuas tlen tlajtoua tekpantlajtoli ka inemajkayotlchiuali tlen ka motemachis pan ueyisentijkonechikoli. Nelkiximatilistli tlenaltepemej uan teyoualmej mochiuas pan tekpantlajtolmej uan xitlaualismej tlen tlaltokayolmej, katli yajuanti kiipanitase katli nika ya achtiui ijkuilijtok pan ni ome tlaijtoli.

A. Ni tekpantlajtoli kineliximatiuan temaka ixitlaualis tlen kipiaj altepemej uan maseualteyoualmej, kinmaka majkayotlsenkaualistli uan nelkualtisej:

I. Kijtosej kejnijki kichiuase ipakilisnechikolis, tomintekitlaxtlauili, tlajtoltinij uan uejkapantlalnamikili.

II. Kitlalis uan kitekiuis ixitlaualis ika yani kisenkauasej kuesolmej, kichiuase ken ijkuilijtok ipan tekpantlajtoli, kiipanitase sesenkatsitsitepanitali uan amochsentijkamaseualtlanauatili uan nojkia kipanitas tlen ininpatij siuamej. Tekpantlajtoli kiijtos katliketlamanauijkemejtekipanose ken moneki.

III. Ika ininxitlaualis kintokaxtise pan nesentiloli inintekichiuanij katli tekitlnenemiltise, iuan kininpatiuisej siuamej sanse ken tlakamej,mopakiltisej uan tlayejkosej inin xitlawili tlen tlaixtlalisej sansej; kiani mopanoltisej uan motekipanoltisej ipan inin sentika tekitl uan sentik tetlalisej katli motlali o motlalkej, ipantekpanyotl tlen moipanitas tlaijtol tla senkawali uan tlamakaualistli inon tlateyouali. Anmo panos iyonsej sentikaj tlatekiwili kin ixkotonasej tlen xitlaualistli ixpantlajtoli tlaixtlalilistli uan maseual tekitinij ipan tlaixtlalili inin teyoual tlanauatiyanij.

IV. Kinmanauise uan kinpajtitlalisej ininmaseualtlajtol, inin tlaneneuili uan nochi katli momelaua pan ininuejkapantlalnamikili.

V. Kikualchichiuas uan kimanauis kampa itstok ialmontlali tlen tlajtoua tekpantlajtoli.

VI. Kiselis katlaipanitali iaxka tlali, almontlali, tlen taltoua pan tekpantlajtoli, uan ixitlaualis katli kipia exkatiyani pan teyoualmej, kitekiuis ken moneki katli eltok pan iteyoual uan amo uelis kitekiuis katli kinmanauia tekpantlajtoli. Pan inoj moneki achtiuimonechikose ken tekpantlajtoli tlajtoua.

VII. Kampa kamanalti maseuatlajtolmejkintokaxtise inintlayakankemej katli tekipanose pan teyoualtlatilankemej.

Tekpantlajtolmej katli eltok pan tlaaltokayolmej kiipanitase ni xitlaualismej tlen tlalilanka teyoualmej, ka yani tekipanoseken katli kipiaj ininmaseualxitlaualis.

VIII. Kintlakakilisej pan tekisenkaualkamanali tlen tlaaltokayotl. Ni xitlaualistli motekiuis pan nochiamatlasenkaualismej ka tekichiuanij kisenkauas, tlen katli se o ka miakili moixpantia, kipajtitlalise iuejkapantlalnamikilis ka tlaipanitali tlen tajtoa tekpantlajtoli.

Maseualmej nochipa tonali kipia kinmatlakechise tlatotonketlkamanali iua tlamanauijkemej katli kiiximatij inin maseualtlajtol uan uejkapantlanamikili.

Tekpantlajtolmej uan xitlaualismej katli kipia tlaltokayomej kinmakasnemajkayotl maseualteyoualmej tlen yajuanti kijtose katli kinmonekilia pan sesenka tlaltokayolmej, kiampa kinmanauis maseualteyoualmej.

B. Nochi tlaltokayolmej tlen tomexko uan itlatilanka teyoualmej, tlayolchikauase san se tlen nochi maseualmej uan kitlamise katli amo kuali, kitlalise kaltekichiuanij uan kichiuase tlaneneuiltipa kampa moixpanextis ipatijka ixitlaualis tlen maseualmej uanikualtilojkatlen altepemej uan teyoualmej, ni mochiuas ka itlapaleuikauanmaseualmej.

Tlen motlamiltiskatli amo kipiaj altepemej uan teyoualmej,uan kinmonekilia,tekichiuanij moneki kichiuasej:

I. Kinpaleuis ka tekitlsentiloli tlen iuexka uextekapan maseualteyoualmej, tlen ka yampa mokualtilitias tomintlachtlauiliuan mokualtilis inemilis teyoualmej, ka itlapaleuijka tlen eyi tekitlanauatianij, uan nojkia ka itlapaleuil teyoualmej. tekichiuanij tlen tlatilanka teyoualmej kinmakas san se tomintlapaleuili katli teyoualmej kitekiuise tlen kinmonekilia.

II. Kimiakiltis kaltlamachtiloyalmej kampa monextilis nemachtili ka omej tlatolmej, tlajkuilosej uan momachtise ika maseualtlajkuilolpamitl, momachtianij ma kitsontika inimachtil, kin nextilisej kenijki tekipanose, uan nojia ma kitsontijka pan ueyikaltlamachtiloyalmej. Kinpaleuis ka tomintlaxtlauili maseualmomachtianij, ka yani mopaleuise.Mochiuas uan motlalis pan amochtli tlanextilistli, tlanextili katli moneki, uan eltok pan uekapantlalnamikili teyouali, tlen tlajtoua xitlaualistli uan ka itlakechil maseualteyoualmej. Moipanitas tlaneneuili tlen nochi uejkapantlalnamikili tlen eltok pan tomexkotlal.

III. Kinpaleuisej ika tepajtikakalmej tlen nochi mexko tlali, uan kitekiuisekuatitlaxiuipajmej, uan kinpaleuis teyoualmaseualmej ka tlakualistli nelkuali, achtiui kiselise nochi konemej.

IV. Kinkualchiuasej tlen kinmonekilia maseualteyoualmej uan ikakiuil pakilisnechikoli, uan ka tomintlapaleuilitlaixpantiloxpa o teaxkatomintlapaleuijketl ika yani kichiuase uan kikualtilise inin kaljuan iuan sejkinoj tlapaleuilistli.

V. Kinmakas kakiuili maseualsiuamej pan tekinechikolmej, kinmanauis inemilis, kinmapaleuisepan nemachtili uan itlanejneuiltlapaleuil tlen mochiuas tlen inemilis teyouali.

VI. Kiueiyichiuasejtepostlanonotsalolipan teyoualmej, kichijchiuase uan kiuejueyakilise apolteueyiojtli, chapojpoueyiojtli, tlilmekakamanali altepemej uan maseualteyoualmej uelise kipiase, kitekiuise uan kikuitlauiseteposkamanali, teposixpatlanextili uan amatlamoyajketltlen tlajtoa xitlaualistli.

VII. Kinpaleuisepan tekitlachiualika tekinechikoli tlen maseualteyoalmejika kuali tlapaleuili ika yani uelis moaxitilise ka tomin itlatlanuelis tlajtlanise tlapaleuilikiampa tekipanose uan kintlaxtlauise, uan kitekiuise teposyankuikchiuali uan ka yani momapaleuisuan kinemakas tlen tlamantli katli elki.

VIII. Kitlalise tlajtoltinij tlanejneuili ka kin manauisekatli yaui uan mokuepaj maseualteyoalmej, tlenpan to mexko tlaliuanpan analieuanij, ka sesenkatsitsij tepanitalitlen ixitlaualis tekipanojkemej, miltekitinij; kikualtilise inemilis siuamej; kinpaleuise ka kualitlamachtili katli kinmonekilia uan ika katlakualika konemej uan telpokamej tlen champoyouan uan katli asi o yauij tekipanouaj ojsejko;kitlachilise ka tlaipanitali inin amochsentikamaseualtlanauatili uankinpaleuis ma kiuejkapantlalikaj inin tlaneneuilis.

IX. Kintlatsintokilise maseual teyoualmej kema mochiuas ueyiamochtlitlachiuali uan tlaltokayolmej, teyoualtlatilankemejuan kinselise inin amatlajkuilol katli kichiuaj. Katli nikan ijkuilojtok yani mochiuas ken moneki,nechikoltlaijtolxitlajkemej, tlaijtoltiyani tlen tlaltokayolmej, uan teyoualtlatilanka tlan kampa kinmelaua, kiijtose keski tomintlaxtlauili motekiuis uan kiamatlatskiltise tlen katli motekiuis uan katli kijtokej ma mochiua, uan nojkia kenijkatsa teyoualmejkitlachilise uan kimokuitlauise tlen inoj.

Xitlaualismej katli kinpaleuiateyoualmaseualmej nojkia uelis kinpaleuise altepemejika yampatsan xitlaualistli tlen tlajtoa tlanauatili.