Makuili Tlaijtolnechikoli

Tlen Tlaltokayolmen Axkayotilotl Uan D.F.

Chikuasen pouali uan sentipaj tlaijtoli. Tlen sesentipa tlaltokayol momakas patilistli tlen nochi katli mochiua pan tekpanali tlakuaualtekatl tlen sekinon tlaltokayolmen. Machiotinin mexkosenkotili, ika machiotlajtolmen, kijtose kenijki nelnelia uelis mochiuas chiualistli, amatlalilistli uan tekpanali tlen tlajtoua tekitlatsinkuili:

I. Machiotlajtolmen tlen se tlaltokayotl uelis kipias ipati pan itlalpa uan amo uelis mochiuas pan seyok tlaltokayotl.

II. Nochi tlatekiuili katli iaxka, motlatskilis tlen machiotlajtoli kampa eltok inon.

III. Tlakuaualpetonili katli temakakej uexkaketsali tlaltokayotl ka ixkayotl katli kipixtok uan momelaua pan seyok tlaltokayotl, uelis kipias ipatijka, kema kiampa tlajtoua inin machiotlajtolmen.

Tlakuaualpetonili tlen ixkayotl maseualmen uelis mochiuas pan seyok tlaltokayotl, kema tlaixpanojketl itskilojtos, tlakuaualistli katli temakak, uan kema ki amanotskej ma mokalaki pan itlatemolis.

IV. Amachiualismen tlen itstini sanimayotl ken mochijki tlen tlajtoua se tlaltokayotl, kipiasej ipatilistli pan sekinok.

V. Amatsontiltlamachtili katli temaka tekichiuanin tlen se tlaltokayotl, ika machiotlajtolmen yani moipanitas pan sekinok.