TLANEJNEUILYOTL TLEN SENTIKMASEUALMEJ
Tlanejneuilyotl katli mopatimakak pan mexko amatlamoyauali pan makuili tonali tlen ome metstli, tlen xiuitl naui tsontli, uan kaxtolpouali uan majtlaktli uan chikome
Moyankuitili ipan nitonali moixpanti DOF 27-05-2015
Eyi Tlaijtolnechikoli
Naui Tekpanali
Tlen Tlalotl Tlakuaualistli
Najpouali uan majtlaktli uan nauitipaj tlaijtoli. Motlali tlen tlalotl tlakuaualistli pan se axkayotl tepanitali tlen mexkotlali,uexkaketsali tlajpepenili, sentikateki uexkaketsali, se uexkaketsali uan xelol ketsaloyan.
Amatekilistli, tlamokuitlauili uan xitlaualistli tlen tlalotl tlakuaualistli axkayotl, nika amo mokalakia axkayotl tepanitali tlen mexkotlali kichiuas tlaixnamikinin tlakuaualistli tlen tlajtoua tlanejneuilyotl.
Axkayotl tepanitlali tlen mexkotlali mokualchiua ka majtlaktli uan se yekantlajtoltijemen uan tekipanose pan se o sesenkatekitl.
Tlen tlajtoua machiotlajtoli tekinechikolistli elis ixpamiyayotl uan ixtakayan, tlan kiampa moneki mochiuas.
Katli uelis kichiuas axkayotl tepanitali, youaloaxkayotl, xelol ketsaloyan uan uexkaketsali tlapepenolpa uan katli kichiuasej mochiuas tlen tlajtos machiotlajtoli.
Tlaixnamikinin tlakuaualistli kijtose keskimen, maxaloli, tekiasilistli, uan katli kichiuas, sentikatekitl uexkaketsali, uan xelol ketsaloyan.
Ni axkayotl tepanitali kipia tlanauatili kitlalis senkaualistli, uan kiaxitilis kixelos kaltekichiuali tlen katli kimelauas kiximatis, uan nojkia kititlanis pan sentikatekitl uexkaketsali uan nimaya mosenkauas tlamantli. Ni sentikauilistli mochiuas nimaya kema teipa mo tlamachilti.
Machiotlajtoli tlajtos tlamiya katli kichiuase tlalotl tlakuaualistli, kenijki kimachikisej tlanejneuilyotl, machiotlajtolmen uan xitlaualismen axkayotilol uan tlaltokayolmen, uan sentlalilistli, iketstili uan patlalistli.
Tlaxtlauili katli kiseliaj yekantlajtoltijkemen, melajmachiojketl, ketsaltekatl uan tekitlalnamiktianin amo uelis kintemouilise inintlaxtlauil.
Yekantlajtoltijkemen tlen axkayotl tepanitali uejkauas pan iteki kaxtoli xiuitl uan uelis kinpatlase tlen tlajtoua naui tlaijtolnechikoli tlen ni tlajneneuilyotl, uan kema tekitlamis iteki, kipia machiotlajtoli kiselis tlapaleuili pampa tekiti.
Yon se maseuali katli tekipano ken yekantlajtoltijketl amo uelis kitekimakase nimaya, kena auelis tlan tekipano kentsi tonali.