Makuili Tlaijtolnechikoli

Tlen Tlaltokayolmen Axkayotilotl Uan D.F.

Makuilpouali uan kaxtoli uan naui. Machiotinin mexkosenkotili kipia kimanauis tlen tlaltokayolmen kema kalakisej pan inintlalpa uan anali kuesoli. Tlan onkas kulankatlaixpanoli, kinmakas san se tlamanauilyotl, kema tlajtlani tlateyoualmachioli uan tlanauatijketl tlen tlaltokayotl.

Tlen sesenka tlaltokayolmenkipias temakas tlen nimaya nochi katlikin teluijtoke, kaltsajtokeuan katli kin tlayauiltokej, nojkia kiajokuise uan temakasej tlen iniaxka katli kitekiuijke uan kichijke tlanauili, ka itlanauatil tekitijketl pan se tlaltokayotl tlen monekis.Ni tlakakilistli mochiuas, ka itlapaleuil tlen nochi tlateyoualmen tlakuaualneneuili, tlen tlajtoua santlalilistli katli kichijke tlaltokayolmen.Ka yani asitilistli, tlaltokayolmen uan D.F., uelis kichiuasej sentlalilistli ika mexkotlanauatijketl, katli yani kichiuas ika axkayotl tekitinin nejneuili.

Kema temaka uan tlajtlani se tlaixpanoketl tlen analialtepetl, uelis mochiuas tlen mexko axkayotilotl, ka itlapaleuil tlakuaualtekatl tlen tlajtoua ni tlajneneuilyotl, sentlalilistli ka analieuanin tlen eltok uan machiotlajtolmen katli kimelaua. Tlen kejni, katli tlajtlani tlapixketl ka ayani uelis ki itskilosej tlaixpanojketl tlen expouali tonali.