TLANEJNEUILYOTL TLEN SENTIKMASEUALMEJ
Tlanejneuilyotl katli mopatimakak pan mexko amatlamoyauali pan makuili tonali tlen ome metstli, tlen xiuitl naui tsontli, uan kaxtolpouali uan majtlaktli uan chikome
Moyankuitili ipan nitonali moixpanti DOF 27-05-2015
Naui Tlaijtolnechikoli
Tlen Moneki Kichiuasej Miyayotl Sentikatekitinij Uan Tekikalmen Tlen Mexkotlali
Makuilpoali uan majtlaktli uan nauitipaj tlaijtoli. Tlentekpanali tlatemoli tlatolketsketl san uelis kipeualtis kema miyayotl tekitijketl kichiua iteki uan pan se xiuitl teipa. Tlaiyouiltilmen tlen kimelauamochiuas tlen amo panos se xiuitl tlen kema pejki tekpanali.
Chiualistli katli kin melaua pampa onkak tlaixpanoli, tlenkichijkej kema itstoya pan iteki miyayotl tekitiketl, uelis mochiualtis pan tonali tlen tlajtoua machiotl tlayouilpamitl, uan amo uelis temos ka eyi xiuitl. Tonalamatl mokotona kema se miyayotl tekitijketl kichiua se tekitl tlen tlajtoua makuilpoali uan majtlaktli uan sentipaj tlaijtoli.
Machiotlajtoli kijtos kema tlamis tekiamachiualistli tlen kitas ken moneki uan tlen katli kichiua uan amo kichiua katli tlajtoua pan eyi pilijtoli tlenmakuilpoali uan chiknauitipaj tlaijtoli. Kema mochiua uan amo mochiua elis ueyi tlaixpanoli tlen tonali kema tlami amo uelis temos chikomej xiuitl.