Naui Tlaijtolnechikoli

Tlen Moneki Kichiuasej Miyayotl Sentikatekitinij Uan Tekikalmen Tlen Mexkotlali

Makuilpoaliuan chikueyitipaj tlaijtoli. Tlen katli moneki kichiuasej miyayotl sentikatekitinin tlen tlajtoua ni naui tekpanali tlen tlayakanasej ni tekitl tlapepenolpa, tekipanouanin tlen miyayotl tlakuaualistli axkayotl uan no miyayotl tlakuaualistli tlen D.F., tekitlayakananin uan tekipanouanin uan tlen nochimej, uannochi maseualmej katli kipiaj se tekitl, tlanauatijkayotl uan tekitlatitlanilitlen katli ueli moneki pan machiotinin mexkosenkotili, pan sentikanechikoli machioketstili tlen D.F., uan pan amatekitilistli miyayotl axkayotl uan pan D.F., nojkia pan miyayotl tekitlayakananin katli moselinechikoa tlen tlajtoua tlajneneuilyotl, uan ka yajuantin uetsis tlanauatili tlan amo kichiuaj ken moneki pan ininteki.

Mexkotlanauatijketl, kema tekipanojtos, san uelis kiteljuisej kema kiixpanos anauak tlali uan tlan kichiuas ueyi tlaixpanolipan itstinin.

Tlanauatijkemej tlen tlaltokayolmej, machiotlajtolkemej tlen tlaltokayolmej,melajmachiojkemej tlen uexka tlajpixkemej uexketsalmej tlen tlaltokayolmej uan, nojkia uelis tlaixnamijketl tlakuaualistli tlalotl tlen tlaltokayolmej, uetsis pan yajuantin tlan amo kuali kiuika tlajneneuilyotl uan machiotlajtolmen axkayotl, nojkia tlan amo kuali kitekiuia axkayotl tomin tlaxtlauili.

Sentikatlanauatiyanij kenijki mochiuas, tlen tlajtoua pan achtiui pamitl tlen ni tlaijtoli uan tlen kenijki tekitisej, ken miyayotl tekichiuanin katli tekipanojtoke, tekikayotl uan tekitlatitlanili pan tlajtolkayolmej uan tetomitl katli kijtoua ni nauatili.