Eyi Tlaijtolnechikoli

Naui Tekpanali

Tlen Tlalotl Tlakuaualistli

Najpouali uan kaxtoli uan eyitipaj tlaijtoli. Kejmaamo mopantia se yekantlajtoltijketl kipanos tlen se metstli, uajka mexkotlanauatijketl kiixpantis amatokaitl pan machiosentili nechikoli uan yani ki patijmakas, tlen tlajtoua najpoali uan majtlatli uan chikuasen tlaijtoli tlen ni tlajneneuilyotl.

Tlan se yekantlajtoltijketl mikis o ka seyok tlenijki tlatsakuili kipantis,ni tlajtoani, kiixpantis seyok amatokaitl pan machiosentili nechikoli uan yani kipatijmakase, tlen tlajtoua najpoali uan majtlatli uan chikuasen tlaijtoli tlen ni tlajneneuilyotl.

Tla tekipanouanin tlen yekantlajtoltijkemen tlen axkayotl tepanitali tlen mexkotlali kikauasen ka ipakilis inin teki, uan kena uelis momakas tlan kichijke se ueyi tlaixpanoli, kiixpantlalise ka mexkotlanauatijketl uan tlan yani kiselia, kittitlanis pan machiosentili nechikoli katli kipajtimakase.

Tlan onka tekisiajkilistli pan yekantlajtoltijkemen, kema amo pano tlen se metstli, uelis temakas yani axkayotl tepanitali tlen mexkotlali; katli panos pan ni tonali, uelis temakas mexkotlanauatijketl ka itlachialis machuiosentili nechikoli. Yon se tekisiajkilistli amo uelis panos tlen ome xiuitl.