Eyi Tlaijtolnechikoli

Ome Tekpanali

Machioketstili Tlalotl

Naui Tlakotomitl

Eltipa tekitlaixnamikili

Expoali uan majtlaktli uan chikueyitipaj tlaijtoli. Kema mosiaketsamachiotinin mexkosenkotili itstosej nochipa tekitlaixnamikini uan mosentlalia ka sempoali uan majtlaktli uan chikometi tekichiuanin, majtlaktli uan chiknaui eltos machiotlajtolkemen, uan majtlaktli uan chikueyi tlaijtoltlakamen, kintokaxtise kampa kimelaua pan nesentilili tlen mochiuas. Tlen sese tlayakanketl kitokaxtis pan yajuantin se ipatlaka.

Eltipa tekitlaixnamikili, kipias tlanauatili katli kimaka tlanejneuilyotl uan yayani:

I. Temakas kakiuili tlan kitekiuise tsonkotomen tlamanauilistli katli tlajtoua expoali uan majtlaktli uan chikuasen tlaijtoli pan naui pilijtoli;

II. Kiselis iteki mexkotlanauatijketl;

III. Kisenkauas tlamantli katli kimelaua; kema onka nesiaketsali tlateyoualotl amatlapeualtili machiotlajtoli uan kititlanis pan kalmachiotlajtolmen katli yaui; kichiua ma kitsontika nauatilistli tekitini kampa kichiua nauatili uan katli kikaua kampa mits inamasej tekitini yayampa kititlani pan nopa tonal tlasentiloli;

IV. Kielnamimkis yaya o katli kijtos mexkotlanauatijketl, nopa amatlanonotsali tlen se kalmachiotlajtolketl mamonechikokan nimaya, monekilia tlauasanili tlen ome o eyi tlan katli paya itstoke. Amatlanonotsali kijtos tlake mochiuas pan nopa tlasentiloli;

V. Moixpoloua.

VI. Temakas nesiaketsali ka expoualtipaj tonali mexkotlanauatijketl uan kitokaxtis ipatlaka;

VII. Kitas amatokaitl aykayotekichijketl nejneuili, yekantlajtoltijketl, melajkatekitinin, ueyi amatomintlajkuilojketl, tsonkototlayakanketl, kaltepostlayakanketl tepostototlayakanketl tlen tlajtoua machiotlajtoli;

VIII. Kiximatis uan kisenkauas kema amo tekipanosej katli kiixpanextijke machioketstinin.