Iyojok Tlaijtolnechikoli

Naui Tekpanali

Tlen Mexkoeuanij

Ome kaxtoli uan chikueyitipaj tlaijtoli. Xitlaualistli katli kin monekilia nochi maseualmej mokotona:

I. Kemaamo mochiua uan amo tlamachilti,tlen katlitlanauatia omekaxtoli uan chikuasetipaj tlaijtoli. Ni tlakotonkayotl uejkauas se xiuitl iuan motlalis ka sekinok tlajyauilistli tlen yampatsa panolistli tlen tlajtoua machiotlajtioli;

II. Pampa tlan itstos pan se amanemilistlaixpanojketl ka se tlaixpanolistli kampaki namikis kaltsakuilistli tlen mopouas tlen kema kitski tlanauatili;

III. Kema motlamilti kaltsakuilistli;

IV. Pampa monejnenkachiua tlan nochipa motlailtiya, tlen katli eltok iuan mopanextijtok tle katli ki ualika uan kijtoua machiotlajtoli;

V. Pampa mochololtipan tlanauatili, tlen kema se tlanauatili kijtoua kikaltsakuase uan tlen kema motlamiltis tlaijyouili;

VI. Pampa eltos tlamiltili uan kitlaliaken se tlaijyouili kema mokotona xitlaualistli.

VII. Machiotlajtoli kjtos kema kipolos, uan sekinok tlen mokotona inin ixkayotl istinin, uan kema monelkualtilis.