Iyojok Tlaijtolnechikoli

Se Tekpanali

Sesenkatsitsij Tepanitali

Sempoaliuan makuiltipaj tlaijtoli. Mexkotlali ki axilia nochi tlen mochijtias kualtilolmej ipaj ni to mexkotlal, uelis motetilis pakili tlen nochi mexko uaj kenijkatsaj monejnemiltijtias, kitemolijtias kenijkatsaj kichijtias tlen onkatias tekitl tlen se tekipanos ika kuali, tlen uelis se tominkistias uan kichiauasej tlen katlikinekisej tlen nochi maseualmej kin panitasej, tlan san se tlakatl o ipan tlanechikoli uan inka uelis se kinpinajtis tlen tlajtoua uejkapanamaxitlaualistli.

Tlateyouali kitlachilis temachtli sentika tominchikauali uan tomin tlachiuali kemaj tlapaleuiya katli nelneliya kipiya ejeltili tlen ueiyas ka tominchikauali uan tekitl. Ni tekijtlachili iuexka moskaltili uan tlaasitilistli tlateyoualmej uan nepanteyoualmej uelis kitlachilisej ni tlapeualtilistli.

Mexkotlali kiitas, kichiuas, kiuikas kuali nochi tekitl tlen mochijtias ipaj mexkotlali uaj kiitstias katlike tekitl mas mochiua uan tlapaleuisej ika tlapaleuili katli kiijtoua ueyiamaxitlaualistli.

Nochi tekitl katli eltos ipaj tomexkotlal nojkia kiitas kaltekitiketl, tlen inkaj kiitas axkuali sekinok tekitl katli tlen nochi tlapaleuiaj ipaj tekitl tlen to mexkotlal.

Kaltekikali kiitas uan kimanauis tlalmej katli ixnesi ipan naui itsonkotonka sempoali uan chikueyi tlaijtoli tlen ni tlanejneuilyotl, sanke tleya to mexkotlayakankaj kipixtos iaxka nochi tlalmej.

Uelis tlapaleuis iseli o ikasekinok kaltekitikemej, tlen tlajtoua amaxitlauilistli tlen uelis kuali eltos kuali kampa tekipanojtosej.

Uelis motoktis tlen nochi tekitl ipaj uejueyi kaltekikalmej tlen iaxka miakin o san seja, tlen tlajtoua amaxitlauialistli tlen uelis tlen nochi kin paleuis, ki kuitlauijtiasej kuatitlamitl uaj sekinok tlamantli tlen eltok kuatitla.

Amaxitlauialistli kitemos kenijki mosentilijtiasej tlen moueyilijtiasej nopa tekipanouanij uan nopa tekitl tlen katli itstokej kuatitla uan nochi katli monechikouaj tlen tekipanouaj tlen kuali itstosej.

Amaxitlaualistli kimanauis nochi tekitl katli kichiuaj tlakamej uan kin manauis tlen uelis motekipanolijtiasej kej kiijtoa amaxitlauiali.

Amaxitlauialistli kitemos kenijki mosentilijtiasej tlen moueyilijtiasej nopa tekipanouanij uan nopa tekitl tlen katli itstokej kuatitla uan nochi katli monechikouaj tlen tekipanouaj, tlapaleiyanij, teyoualmej, kaltekikalmej tlen iaxka miyakin o sanseja, tekipanoua uan nochi, tlamantli maseual nechikoli kemaj tlaeliltiya, kimoyaua uan katli mokuaj tlapiiyali uan maeual yolchikaualotl katli moneki.

Machiotlajtoli uan kinmanauis tlen tlapiyalistli tekitl katli kichiuaj tlajpipiyani uan kimoyauas nochi moskaltili tlen tlasentili ininseli mopaleuis ka tomin moskaltinij iuexka, kimouauas tlen yejyekoltlanilistli uan mochitiyas se ixpantlajtoli iuexka ka kuali tekipanolistli kitlakechis kipiyas tlamantli tlasentilistli uan tlaltipakteyoualmej, ipan tetomej katli kitlaliya ni tlanejneuiyotl.