Iyojok Tlaijtolnechikoli

Se Tekpanali

Sesenkatsitsij Tepanitali

Kaxtoli uan ometipaj tlaijtoli. Yon se maseuali yaya uelis kisenkauas se kuesoli, yon eltok tlatlanis ka tlauilanali ma kimakakaj katli kimelaua.

Nochi maseuali kipia xitlaualistli, makimakaka tlen yaya kimonekilia, mauililtekitinij yajuanti inoj iteki, kisenkauasej kuesolmej tlen tonalpouatlanauatili, uan nimaya kuesolsenkauasejken moneki. Ni tekitipaj san nemaktli, amo eltok titlaxtlauas.

Mexkotlanauatili uan pan tlen tlaltokayolmej tlajtojtos kenijki tekipanosejmauililtekitinij uan kenijki tlen yajuanti kisenkauasej kuesolmej. Amo aki uelis mitschiualtis ma xitlachtaua kampa titlauika kampa amo kimelaua.

Tlanauatili temakasej tlamantinij kenijkatsa mosenkauas kuesoli. Pan ni kamanali kijtose ken mochiuas, kenijkatsa motlachtlauas kema kinkuitikisaj sejkanoj uan kijtosej kema monekis ma sekinoj tekichijketl kiitas kamanali.

Senkaualistli tlen ka motlamis se ojtli pan kuesoli ka mokamanaloua monekis moixtomas pan maseualkakilistli kema achtoui kinnotsasej itlapanka.

Tlan Mexko tlanauatili uan tlen tlaloko onka kisenkauasej tlen moneki ma nompa kualankasenkajketl itekikalko kintlepanitasej tlen kisenkaua.

Ueyimexkotlanauatiyanij, Tlaltokajyotl uan Distrito Federal kintlepanitasej ma onkas kuali manauaijketl ka maseualtsitsi uan nojkia kiitasej ma manauijkemej momachtisej kuali ka ni kamanali. Tlan kintlanisej manauijkemej axuelis elis achi pilkentsi tlen tekichiuanij.

Axonkas ajkiya kintlatsakuiltisej san pampa tlauikaj seyok maseuali.