Tiitulo Uni

Capiitulo II

Seccioon III

Cuhva cha iyo Tiñu chi ra cahan tiso vaha chi

Artiiculo 74. Tiñu ya cuu chi ra Ndiso tiñu cuenda Camara Diputados:

I. Ra cua tiso vaha tiñu cha sacoto chi ñivi ñuun cuenda ra Cumi tiñu Ñucohyo cha ndiso tiñu ra ra tiso maa ra nehe tiñu cuenda Tribunal Electoral cha ndehe ra Cumi tiñu tiso ley cuenda Ñuhun Ñucohyo;

II. Cha cua savaha tiñu cuenda ta cua ndehe tiñu cuhva cha vaha cuahan tiñu cuenda cuhva cha iyo maan a satiñu maan iin cuenda ñivi cua ndehe tiñu cha cuu Auditoria Superior de la Federacion chi cuhva cha cahan ley;

III. Cha cua sama tiñu chi ñivi cha cuu secretario cuenda Hcienda cha ni tiso ra cuu xini chi ñuhun Ñucohyo, soco tu cha uvi uni ñivi ni tiso chi ñivi can, cua ndehe tiñu chan a cua cuinu cuhva cha chahan un cuu chi fracción II tichi Artiiculo 76 cha ndaa tichi Constitucio ya, tacan ni cuenda ndihi ñivi cha cuu cahnu cha satiñu cuenda Hacienda;

IV. Yoo ta yoo cua cuhva tiñu cuenda ndihi xuhun cha satiñu Ñucohyo, cua ndehe tiñu a vaha chi a ña vaha chi, cua ndatuhun tiñu cuenda chi, ta cua ndehe tiñu a vaha iyo tiñu cha cua tachi tiñu chi ra Cumi tiñu Ñucohyo, tu cha quee vaha ndihi cuenda xuhun can, un chatiñu tiñu cua ndehe ra a queta vaha cuhva cha satiñu chi. Tacan ni cua cati ra ta ra a vaha satiñu ndihi xuhun cha naan (cuaha xuhun) cha cuenda tiñu can ta ndihi cha chini ñuhun tiñu ta chinu chi ta chinu chi cuhva cha cahan ley; ndihi xuhun cha naan tahan chi cha cua quihvi chi cuhva cha chica tiñu ndaa naan xuhun cha quihvi ican.

Ra Cumi tiñu Ñucohyo cua cuhva chi chi ra iyo vehe Camara cha ndehe cuhva cha cua quechaha ley cha cuenda xuhun ta ndihi tiñu cha cua satiñu tiñu chi xuhun cha cua cuenda maa ra cumi tiñu Ñucohyo cua ndunahan chi 8 quivi ni tichi yoo septiembre, ta ra cuu secratariu cha satiñu cuenda tiñu can cua sacoto ra cuenda chi. Ta Camara cuenda Diputado cua cati a vaha chi cuhva cha cua satiñu xuhun cuenda Ñucohyo can tichi 15 quivi tichi yoo noviembre.

Ta quivi cha cua quechaha ñivi can cua satiñu ñi cuhva cha ndaa chi nu Artiiculo 83, cua cundaca ñivi cha cuu xini can cha cuu tutu nu ndaa ndihi cuhva cha cua satiñu ñi cha cua quihvi xuhun, ta ñaan ni cua savaha ñi ta ñaan ni cua cuni ñuhun ñi nu cuu chi Camara, ta quivi 15 tichi yoo noviembre iyo chi cha cua cuhva cuenda ñi chi.

Ña cua cuhva xehe tiñu chi, tu cha ñavi cha nini xaan cuu chi, tacan cua savaha tiñu, cuenda ndihi xuhun can; cha cua ndehe ra cuu secretariu cuhva cha taa maa ra Cumi tiñu cha ndacañahan Ñuhun Ñucohyo.

Cua cuu nacaa quivi cha cua cuhva cuenda tiñu cuhva cha cua quechaha ley cuenda xuhun ta cuanda tiñu cha cua satiñu tiñu chi maa xuhun can, cuenda medie tutu cha chica tiñu cha chica ra Cumi tiñu cha chandehe ra ta quee vaha chi cuenda tiñu cha ndehe ra iyo Camara ta cuenda Comisioon cha iyo, ta ra cuu secretariu cua cati a cua cuhva cuenda ndihi cha tahan nchi cha cua cati ra ña chaha naan chi;

V. Cua cati tiñu a cua quihvi a ña cua quihvi ñivi cha satiñu cuenda ñuun vecaa tu cha savaha ñi iin cuati cuhva cha cati artiiculo 111 tichi Constitucioon.

110 tichi Constitucioon ta chi ñivi cha satiñu ican tiso cuati ñi cuenda cha cahan yuhu ñivi nducu tiñu cha cuenda cha tiso ñi.

VI. Cua savaha tiñu cuenda ñaan cha cuu tichi cuiya yaha, tacan cua cuu ndehe ñi nda cha cuu cha savaha tiñu chi xuhun can, tacan cua coto ñi a quee vaha cuhva cha cati tiñu cuenda cha cua sanaan tiñu y cua savaha ñi cuenda cuhva cha satiñu tiñu chi ndihi programa can.

Ñivi cha iyo cuenda Camara de Diputados chi cuenda Auditoría Superio de la Federacion cua ndehe yoso cuhva cuahan cha cuu Xuhun Ñuun. Tu cha ña nduvi nuun ñivi can ta ñi cuenda prueba cha cua savaha tiñu, ta ña inuun quee xuhun cha ni quihvo chi xuhun cha ni quee, cuhva cha iyo tiñu, ta ña inuun quee tiñu can a ña chito ñi ndaa ni cuahan xuhun can, vati ñahni sanahan ñi ndaa ni naanchi, cua ndehe tiñu cuhva cha cua savaha tiñu chi ñivi can, soco cua tachi tuni tiñu chi ñi cuhva cha cahan ley. Quivi cha cua ndehe tiñu cuhva cha ni satiñu ñivi cuenda iin programa a chinu cuhva cha iyo chi, cua cuhva cuenda tiñu ndaa cha cuu cha iyo chi cha cua savaha vaha ca tiñu, cuhva cha cua quee vaha ca chi cuhva cha cati ley.

Cha cuu cuenta Publica cha cuu xuhun ñivi ñuun cua cuhva cuenda tiñu chi chi ñivi cha iyo cuenda Camara de Diputados quivi 30 abril inca cuiya can. Cua cuu cuhva cuenda ñi chi iti nuun vihi ca, soco cua cuu chi cuhva cha cati nu cuu chi fracción IV nu sandihi tuhun tichi Artiiculo ya, soco ña cua yaha ca inca 30 quivi, tacan ni ñivi cha satiñu cuenda Auditoria Superior de la Federacion suvi ni oco uchi quivi cua coo tahan chi ñi cha cua cuhva cuenda tahan ñi ndihi tiñu cha ni savaha ñi, ta cuhva cha ni quee vaha tiñu cuenda Fiscalizacion Superior de la Cuenta Publica.

Quivi 31 ndaa yoo octubre iyo chi cha cua ndihi ndehe ñivi cha satiñu nu cuu chi Camara cha cuu Cuenta Publica cha cuu xuhun ñuun tu cha chaha cuenda tiñu chi, cua savaha ñi cuhva cha ni chatiñu tiñu chi, chi ndaa chatiñu tiñu chi ta cuhva cha cua ndehe ñivi cha satiñu nu cuu chi Fiscalizacion Superior cuhva cha cati Artiiculo 79 cha ndaa tichi Constitucion ya, ta ña cua sananuun tiñu cuhva cha cua sacuaha tiñu chi, ta cua cati tuhun vaha tiñu chi ñivi can ndaa cha cuu savaha ñi chi ndihi cha iyo chic ha cua savaha ñi cuhva cha cua cati cha cuu Auditoria Superior de la Federacion, ta cua savaha tiñu chi cuhva cha ndaa nuun Artiiculo ihya.

Ñivi cha iyo cuenda Camara cuenda Diputados cua ndehe cuhva cha satiñu ñivi cha iyo cuenda Auditoria Superior de la Federacion, ta ndaa cha cua cati tiñu a cua sanihin tiñu cuhva cha ni quee tiñu can cuhva cha cua ndehe ñivi cha cuu tiñu chi;

VII. Cha cua tava vaha tiñu cuenda cha cuu Plan Nacional de Desarrollo tiempo cha cua cati ley. Tu cha ña cua sacuinu ñi tiempo can, cua tava vaha ñivi cha iyo cuenda Camara Diputados can tiñu can;

VIII. Uvi uni ñivi cha iyo cuenda chi iyo chi cha cua tiso tiñu chi ñivi cha cua coo vaha tutu cha cua ndehe ndihi cha cuu ican chi ndihi cuenda inda ñivi cha ndaa nuun Constitucion ya cha cua savaha cuenda yivi xuhun cua sanaan ñi cha cuu Presupuesto de Egresis de la Federacion, chi

IX. Cachi cachi cua cuhva tiñu cuenda ndihi cha ndaa nuun Contitucion.