Tiitulo Uni

Capiitulo II

Seccioon II

Cuhva cha quechaha ta cuhva chinu ley

Artiiculo 72. Ndihi tiñu cha iyo cuenda ley ta ndihi tuhun chi, cha cua tiso vaha ituhun ni maa chi chi iin camara, cua ndehe ra ta ra iin chi ta inca chi, cua savah tiñu cuhva cha ndatuhun tahan ñi cuhva cha cua ndoo chi, ta cua ndehe ra ta ra cuhva cha cua ndatuhun ra ta cua savah tiñu votar.

A. Cha cua quee vaha iin tiñu cha cua quechaha savaha Camara, inca ñivi cua ndehe chi, tu cha cua cati ñi ti vaha chi, cua cuhva tiñu chi chi Cumi tiñu Ñucohyo, ta racan cua ndehe tu ñahni ca cha cumani, tacan ta cua quee ni chi.

B. Cua tava vaha ñivi cha iyo cuenda Poder Ejecutivo ndihi cha cua sandico coo cha cuu cámara chihin ñi, masi ñahni tuhun cuhva cha ndehe ñi cua tachi ñi tichi oco uchi quivi, ta na cua yaha quivi can cua coo inca uchi quivi chi ñivi cha cuu xini can cha cua tava ñi ley can a tiñu can. Yaha uchi quivi can ta cua cati tiñu cha cha iyo vaha ley can a tiñu can, ta tichi inca uchi quivi ta cua tachi ra cuu xini chi cámara un quee chi cha cua quee chi nu tutu nu cuu chi Dario Oficial de la Federacion, masi ñahni sivi ñivi cha tava chi cua cuhun nuun chi. Ña cua cuu casi tiñu cuenda chi, masi ña cua ndehe cha cuu congreso tiñu ya a cua casi ñi nu satiñu, iyo chi cha cua ndico coo ndico ñi chi nu iyo tahan tiñu cuenda chi.

C. Tiñu cha cuenda ley ta tuhun cha cahan chi ra Cumi tiñu Ñucohyo ndehe chi ta cumani chi, cua cuhun chata dico chi un chinu chi ti cua dehe ra ta ra chi.. (sic DOF 05-02-1917) Inca chaha iyo chi cha cua ndatuhun tahan ra ta ra, ta tu cha vaha ndaa chi chi iin uvi a uni cuhva ta savaha tiñu votar, cua yaha chi inca chaha nu ra iyo camara ra sanihin chi a vaha a ña vaha ndaa chi. Tu cha cua cati tuvi ñivi ti vaha chi, tacan ta cua yaha tiñu cha cua cuu chi ley ta tuhun ta cua cuhun ndico chi nuun maa ra Cumi tiñu Ñucohyo tichi quivi un cua coo junta.

Voto cha cua savaha tiñu cuenda ley chi tuhun cha ndaa nuun chi cua cunda yahvi chi.

D. Tu ta iin tiñu cha cuenda ley can chi tuhun cha cahan chi, tava ndaa ndihi ra iyo chi Camara cha ndehe ra ta ra chi, ta cua ndehe chaa ra ta ra chi. Tu cha cha ndehe chaa tiñu chi ta quee vaha chi vati tuvi ñiv cha iyo ican cati ti vaha chi, cua cuhun ndico chi Camara cha ni tava ndaa chi, ta cua ndehe chaa ndico tucu ra ta ra chi, ta tu cha cua quee vaha chi tu tuvi cati, cua yaha chi chi maa ra Cumi tiñu Ñucohyo cuhva cha cahan fraccioon A; soco tu ña cua quee vaha chi, ña cua cuu ca quee chi tichi cuiya can.

E. Tu cha ñaan iin tiñu cuenda ley a inca tiñu chaha ra cumi tiñu cahnu cuu Xini ña ni quihin cuenda tiñu ndihi chi a sama suhva cuhva cahan chi, a tiso ca tiñu suhva ca cuhva cahan chi savaha ra ni ndehe chi cha iyo ra ta ra vehe nu nducuiti ra ta ra, cha ndehe ra ta ra tiñu can, ta cua ndatuhun tahan tiñu inca cha chaa vehe nu quee tiñu can ndicha cuii cua ndatuhun tahan tiñu cuenda tuhun cha ña ni quihin cuenda ra ta ra, a cha ni nduvaha ca ley can, a ni tiso tiñu suhva ca chi, ta ñahni ndatu cha cua tisovaha ca tiñu ndihi artiiculo cha cha ni chacoso vaha ta ni quee vaha chi. Ta tu ndihi suhva ca cha ni tiso chaa tiñu a cha ni chacoso vaha ca savaha ra ta ra, cha ni ndehe ra tiñu can vehe nu nducuiti ra ta ra, ta nduinuun ndihi ra ta ra ta chaha ra voto ra ti vaha quee tiñu ndehe ra vehe nu satiñu ra ta ra, cua sayaha ra ta ra tiñu iti nuun ra cuu Xini cha ndacañahan ñuhun Ñucohyo ti cua ndehe ra tiñu can cuhva cha cahan fraccioon a). Ta tu ndihi suhva ca cha ni tiso chaa tiñu a cha ni chacoso vaha ca savaha ra ta ra, cha ni ndehe ra tiñu can vehe nu nducuiti ra ta ra, ña ni quee vaha chi ta ndihi ra ta ra nduinuun ta chaha ra ta ra voto ra cha ña ni quihin cuenda tiñu chi, cua cuhun ndico chi iti vehe nu quee chi vati cua ndehe tiñu ñaan cuenda cuu chi, tu cha ndihi ra ta ra nduinuun ta chaha ra voto ra cha ña quihin cuenda tiñu chi cha uvi chaha ndehe tiñu chi cha cuu chi cha ni tiso chaa tiñu suhva ca chi, a cha ni chacoso vaha ca savaha ra ta ra. Ta tiñu cha ni quee vaha ta nduinuun nduvi tahan vehe iyo cuenda nu satiñu ra ta ra ta quihin cuenda ra chi, cua cuhun chi iti nuun ra cuu Xini cha ndacañahan ñuhun Ñucohyo ti cua ndehe ra tiñu can cuhva cha cahan fraccioon a) Ta tu Vehe nu ndehe ra ta ra tiñu can (Cámara Revisora) nihin cuni ra ta ra cha na cua nduinuun ndihi ra ta cua cuhva ra ta ra voto ra cha iyo ra ta ra quivi can, cuenda cha na cua quee vaha ley cha ni tiso chaa suhva ca chi a cha ni chacoso vaha vaha ca savaha ra ta ra, ndihi tiñu can ña cua cuu ca yaha chi nuu iyo ra ta ra,soco cua ndehe chaa tiñu chihin chi nda inca chaha cha cua nducuiti ra ta ra, (próxima sesión) ta tu cha cua nduinuun nduvi tahan cuenda ra ta ra cha satiñu ra Vehe nu nduinuun ra ta ra ta tisovaha ra tiñu, ta ndihi ra cua cuhva voto cha na cua quee ndicha cuii artiiculo cha chacoso vaha ni, ta ndihi ca ley cha ni chinu chaa suhva ca a cha cua coso vaha vaha ca, cua cuatu nuun chi nda inca chaha cha cua nducuiti ra ta ra ta cua sacuaha tiñu chi ta cua coso vaha chi.

F. Cha cua sacuaha tiñu ley, a cua coso vaha chi a cua sama chi a ñaan inca tiñu, iin ni cuhva cua cunu tiñu cuhva cha cua cuinu chi.

G. Ndihi tiñu cha cua cuinu ndihi ley chaa a ñaan inca tiñu cha ña ni quihin cuenda ra sacuaha ta tisovaha ley Vehe nu iyo ra ta ra, ña cua cuu ca ndehe tiñu chi tichi cuiya can.

H. Cha chinu ley ta tuhun cha cahan chi icaa cua quechaha chi tichi ituhun ni cha iyo uvi chi, ñavi tichi tiñu ya cua savaha tiñu iin libru ta cua xico ñi, xuhun cha tiañi ñivi tiñu nuun ñi, a cua sacuiti ñi ñivi, ndihi ñican cua ndatuhun tahan un cuu chi Camara Diputado.

I. Cha cua quechaha tiñu chi ley chi tuhun chi cua ndatuhuntahan tiñu chi maa ra iyo cuenda Camara ta cua tiso tiñu chi, soco tu cha yaha iin yoo cha ndehe ra comisioon cha cua cati a vaha tutu ta ata cati ra a vaha chi, tichi nduvi tahan tiñu ya cha cuu chi ley ta tuhun cha cahan chi cua ndehe ra iyo ica ra iyo tichi Camara.

I (sic DOF 24-11-1923). Maa ra cuu Cutiñu Ñucohyo cha nduvi nuun ña cua cua ndehe maa ni ca ndico vaha cuenda ra cahan tiñu cha iyo iin camara, quivi cha cua nducundee ñi ta cua tiso ñi chi ra cua ndehe tiñu cuenda elector ta ra sacuaha chi a vaha a ña vaha, iin ni cuhva tu cua savaha tiñu chi ra Camara diputado cua nducachi chi tu cuu xico tuhun tiñu chi iin ñivi masi iin tiñu sucun ndico tu cha iyo cuati ñi.

Ta ni ña cua cuu savaha ñi iin tutu cha cua coo junta cha cua tiso maa ñi cha cua ndaca maa Comisión can.