Eyi Tlaijtolnechikoli

Naui Tekpanali

Tlen Tlalotl Tlakuaualistli

Makuilpouali uan sentipaj tlaijtoli. Yekantli tlen axkayotl tepanitali tlen mexkotlali, melamachiojkemen uan tlapixkemen xeloketsaloyan, uan tekitlalnamiktijketl tlen ueyi tlaixnamijketl miyayotl tlakuaualistli tlalotl uan nojkiamelamachiojkemen tlen ueyi kaltlapepenolpa, amo uelis kiselis uan kichiuas tekilistli tlen mexkotlali, tlaltokayolmen, D.F., uan teaxkamen uan kena uelis kichiuas tlan amo kitlaxtlauiaj pan nechikoltlamatilkayotl, tlamachtianin, tlajkuilouanin uan tlapaleuianin.

Maseualmej katli kitekiuijkej pan yekantlajtoltijketl tlen axkayotl tepanitlali tlen mexkotlali, melamachiojkemen, tlapixkemen xeloketsaloyan uan tekitlalnamiktianin tlen ueyi tlaixnamijketl miyayotl tlakuaualistli tlalotl uan nojkia melamachiojkemen tlen ueyi kaltlapepenolpa, amo uelis kema kitsontiome xiuitl iteki tekitis ken tlayakanketl, ixtekatl uan katli tekiixpantia pan katli ueli ixtekitemolistoli ipan miyayotl tlakuaualistli tlalotl.

Tlen pani tekitonali maseualmej katli tekitikej ken yekantlajtoltijketl, uan tlan kichijke iteki san keski tonali, amo uelis kitekiuisej tekitl katli tlajtoua najpoali uan majtlaktli uan makuili tlaijtoli tlen ni tlajneneuilyotl pan chikuasen pamitl.

Ni tekitlatsakuilili katli tlajtoua ni tlaijtoli motekiuis pan tekichijkemen tlakuaualtekatl katli kipiaj tekisiakilistli pampa kinmonekili.

Kema amo mochiua tlen tlajtoua pan ni axtiui tlajtolpamitl, uajka kitlayauiltisej ika itekipolojka panmiyayotl tlakuaualistli tlalotl, uan sekinok tekitlapaleuili katli kipixtoyaj, inon kintlaiyauiltisej tlen tlajtoua machiotlajtolmen.