TLANEJNEUILYOTL TLEN SENTIKMASEUALMEJ
Tlanejneuilyotl katli mopatimakak pan mexko amatlamoyauali pan makuili tonali tlen ome metstli, tlen xiuitl naui tsontli, uan kaxtolpouali uan majtlaktli uan chikome
Moyankuitili ipan nitonali moixpanti DOF 27-05-2015
Ome Tlaijtolnechikoli
Ome Tekpanali
Kenijki Eltok Tlen Mexkotlali Tlaixnamikinin
Omepoali uan ometipaj tlaijtoli. Mexkotlali kipia:
I. Tlan nochi axkayotilotl Tlaltokayolmen.
II. Tlalayaualko,uan nojkiaxiuimej katli onka atsintla, ueyiatemej;
III. Tlalayaualko tlen Guadalupe uan Revillagigedo tlen mopantia pan ueyi axoxouili kampa kisa tonati;
IV. Tlen iuexka axoxouili uan aostomej tlen tlal´ayaualko,ueyiatemej uan xiuimej katli onka atsintla;
V. Nochi ueyiaxoxouilmej tlen iuexka uan ken tlajtoua ueyi ixkayotltlen tlaltepaktli;
VI. Kakiuili katli momelaua pan iluikatl tlen nochi tomexkotlal, ka iueiyakili uan tlen sekinok tlen tlajtoua.
Ueyi ixkayotl tlen tlaltepaktli.