Tiitulo Uni

Capitulo III

Cha cuu cuenda ra cuu Xini chi ñuhun Ñucohyo

Artiiculo 87. Ra cuu Xini chi ñuhun Ñucohyo quivi cha cua quihin cuenda tiñu iti nuun vehe un nducuiti ta sacuaha ta tisovaha ley ta nduvi nuun ra ta ra cuenda ñuhun Ñucohyo, ta cua chahan ra cuhva cua quihin ra tiñu, ta cua cati ra ti: “Cua canihin vahi ta cua sacuinuin cuhva cha cahan Ley cahnu cuenda ñuhun Ñucohyo ta nidhi ley cha iyo tichi chi, ta cua sacuinuin cuhva cha cati chi cuhva cha cuni yu ñuhun un iyo yu cuhva cha cui Xini chi ñuhun Ñucohyo cuhva cha caha ñivi ñuun tiñu chi, ta cua ndehi cha cua cuu cha vaha chi ñivi ta cuhva cha cua cuhun ñuhun ya iti nuun; ta tu cha ña cua sacuinuin chin a cuan daca ñuhun ya cuenda chi”.

Tu cha ña cua cuu cuhva ra cua cuu Presidente ñuhun Ñucohyo tuhun yuhu ra cha cua ndehe vaha ra ñuhun can cuhva cha cahan tuhun cha vachi iti chata, cua cuu cuhva ra tuhun yuhu ra iti nuun ñivi cha iyo ñivi cha ndaca ñahan cuenda Cámara del Congreso de la Unión.

Tu cha ña cua cuu cuhva ra cua cuu Presidente ñuhun Ñucohyo tuhun yuhu ra cha cua ndehe vaha ra ñuhun can iti nuun ñivi cha iyo cuenda Congreso de la Unión, a iti nuun ñivi cha iyo cuenda Comisión Permanente a iti nuun ñivi cha ndaca ñahan cuenda Cámaras del Congreso de la Unión, iyo chi cha cua savaha ra chi iti nuun ra cuu Presidente de la Suprema Corte de Justicia de la Nación.