SJUNIL MUK’UL MANTALIL TA SPAMAL SLUM SK’INAL MEJIKO
Muk’ ul Mantalil la yich’ pukel ta a’ yel ta Diario Oficial de la Federacion ta jo’ eb yu’ un ferbrero ta ya’ wilal 1917
Slajib Mantalil jun pukbil ta a’ yel ta DOF27-05-2015
Yoxebal sjol sbiil
Xcha’tenel
Stulanil Stsobil jtsob jteklum sok stalel te awalil
Sba xajt’al
Yu’un Stsael sok Spasel sanil Muk’ tsobojibal
Jo’eb xchanwinik mantalil. Te banti snail muk’ul tsobleje, yame stsob sbaik ta sbabial yu’un septiembre ta jujun ja’wil, mauk teme ja’ ya xach ya’tel te muk’ul ajwalil ta Méjikoe, jich bit’il albil sk’oplal ta oxeb yo’winik artikulo li’ ta mantalil jun, me mauk xale ya stsob sbaik ta sbail yu’un agosto sok sbabial febrero ta spasel xche’bal muk’ul tsobleje te chapbil yu’unike.
Ta jun pajalnax sk’alelal tsobel sbaik ta Muk’ Yawil tsoble ja’ me ya smak’ik’ ta bijubtesel sbaik, ta tsaltomba k’op sok tsael xjach’ibal yu’un te mantalil ta xjach’ibal yu’un te mantalil te bit’ik sk’ota ta pasel sok ta cha’chajpanel yantik k’op a’ye te smak’oj ja’ jich bit’il yal ta Muk’ul mantalilto.
Te jujun sk’alel tsoble te chajpanbil yu’unik ta Muk’ul tsojble ja’ me ya smak’ik’ ta xchajpajnel beel te yak’oj ta na’el stojol te yutsilal mantalil.