Tiitulo Uni

Capiitulo IV

Cuhva cha iyo ra tachi tuni ta ra

Artiiculo 104. Chi ra Cumi tiñu Tachi tuni cha iyo cuenda Ñuhun cua coto ndihi chehe:

I. Ndihi cha nduinuun chi cuati cha cuu tichi iin ñuhun;

II. Ndihi cha cahan yuhun ñivi cua coso vaha tiñu ñuun a cuenda cuati cha iyo cuena cha ña sacuinu tiñu cha cati ley Ñucohyo cha cua savaha tiñu a dihi cha ndoo tiso vaha ra ta ra chi inca ñuhun cha cuenda ndih Ñuhun cha iyo Ñucohyo. Tu cha ndaa cha cahan yuhu ta chaha chi tundoho cha siqui xuhun ñivi, iyo chi cha cua nacoto tahan ñi cuenda chi, cuhva cha cua savaha maa ra taa chi, ra tachi tuni ta ra cumi tiñu cha iyo cuenda Ñuhun cha indi tchi ñuhun Ñucohyo.

Xihna cua maa ra Cumi tiñu tachi tuni cua tiso vaha chi tacan tacan ta sa cua cuu yaha ra ta ra nuun ra cuu Xini cuenda ra tachi tuni ta cua nacoto tahan ra ndaa cha cuu cha xihna cui cha cua ndehe ra;

III. Ta cha cua ndehe tiñu tutu cha tiso ra cahan cuenda ñivi iti nuun ra cumitiñu tachituni cuhva cha cua cutuni ñivi ndiso tiñu cuenda ñuun cha cahan fracción XXIX-H tichi Artiiculo 73 BASE XIHNA CUII, fracción V, inciso n) BASE UHUN tichi Artiiculo 122 cuhva cha cahan Constitución ya, ndicha cuii cuhva cha cahan ley ya. Cua ndehe tiñu tutu can, ta cua coto cha cuu Tribunal Colegiado tichi iin Circuito, cua sacuinu ra ta ra cuhva cha chinu tiñu cuhva cha cahan ley reglamentaria tichi Artiiculo 103 chi 107 tichi Constitucion ya cua cati chi cha cua ndehe tiñu tutu cha cahan chaha ñivi, ta ña cua cuu chi cuhva cha ni tisovaha ra cumitiñu nu cuu chi Tribunal Colegiado tichi iin Circuito ña cua cuu cutuni ñivi can a ñaan inca cha cua savaha tiñu chi ñi;

IV. Ndihi cha cahan yuhu ñivi, cua ndatuhun ñi cuenda cha cuiti cha iyo cuenda tañuhun

V. Ta ndihi cha iyo cuenda Ñuhun Ñucohyo;

VI. Ndihi cha cahan yuhu a ndacu ñivi cuhva cha cahan artiiculo 105, chacan cua sanahan chi ra cuu Xini cuenda un Cutuni ñivi cha cuenda iin Ñuhun;

VII. Nda cha tahan iin Ñuhun ta inca Ñuhun cha iyo yatin chi inca chi,

VIII. Ta tiñu cahan cuenda ra Satiñu cha cuahan ra ta ra nuun Cumitiñu inca Ñuhun, ta cha ndehe ra ta ra tiñu ñivi ñuun ra inca Ñuhun.