Tiitulo Uni

Capiitulo II

Seccioon II

Cuhva cha quechaha ta cuhva chinu ley

Artiiculo 71. Cuhva iyo ndatu cha cua savaha tiñu ley a ndihi tuhun cha cahan chi ta cua cuu chi chi ndihi ra:

I. Chi ra Cumi tiñu ñuhun Ñucohyo;

II. Chi ra cuu Diputados chi Senadores cha iyo cuenda Congreso de la Union;

III. Tiempu cha ndaca ñahan ra cuu xini chi iin iin Estado cha cuu iin ñuhun; ta

IV. Iin ni cuhva cua cuu chi ndihi ñivi cha cuu xuñuun, ta iyo chi cha cua cuu chi cero punto uchi uni por ciento cuhva cha ndaa chi nu lista nu vachi sivi ñivi cuhva cha cahan ley.

Ley cha iyo cuenda Congreso cua cati cuhva chas avaha tiñu ta cua quechaha savaha tiñu chi.

Quivi cha cua quechaha cha cua nducuiti ñivi chi ra cuu xini chi ñuhun Ñucohyo cua cuu cua cati ra uvi tahan cha saxini ra cha cua savaha ra cha nini xaan ca, a cua cati ndico tucu cuenda uvi tahan cha ni cati tucu ra cuiya ni yaha, tu cha ni cumani cati ra chi. Iin iin cha cua cati ra ta iyo chi cha cua ndatuhun tiñu cuenda chi, ta cua savaha tiñu votar cuenda chi nu cuu chi cámara, ta ña cua yaha oco uchi quivi ta cha iyo chi cha cua cati ñi ndaa cuenda savaha ñi votar. Tu cha ñavi cuhva can cua cuu chi, inca chaha cha cua nducuiti ñi, xihna cuii ca tiñu can iyo chi cha cua ndehe ñi ta cua ndatuhun ñi cuenda chi ta cua savaha ñi votar cuenda chi. Tu cha cua quee vaha tiñu suvi ni quivi can, cua sayaha ni tiñu chi tichi ndaha inca cuenda ñivi cha iyo cámara ican, vati cua ndehe ñi chi, ta cua savaha tahan ñi votar tichi oco uchi quivi ta cua savaha ñi chi cuhva cha cahan ley.

Ña cua cuu quechaha ndatuhun tiñu xihna cuii cha cuu cuenda cha cua sama constitutcion a cha cuenda cha quehni ñivi nu ndoyo ñuhun ñi.