Tiitulo Uni

Capiitulo IV

Cuhva cha iyo ra tachi tuni ta ra

Artiiculo 95. Cha iyo chi cha cua coo chihin iin ñivi cha cua nacachi cha cua cuisotiñu ñi un cuu chi Vehe tiñu nu iyo ra cuu xini chi ndihi ra tachi tuni tichi ñuhun Ñucohyo, chini ñuhun chi:

I. Cua cacu ñi nu ñuhun Ñucohyo ya ta ndihi cha cuiti iyo chi cuenda ra cumi tiñu ta cuen cha cuu ra xuñuun.

II. Oco chahun cuiya ñi tahan chi coo ñi quivi cha cua nacachi tiñu chi ñi;

III. Quivi cha cua nacachi tiñu chi ñi iyo chi cha cua uchi cuiya cha cha nihin ñi tutu ñi cuhva cha sacuaha ñi cha cuu ñi licenciado cuenda cha cahan ñi cuenda ndihi cha cuiti iyo chi ñivi cha cua cuhva ñivi nu sacuaha ñi;

IV. Iyo chi cha vaha xaan cua cahan ñi cuenda ñi cha vaha iyo ñi chi ñivi ta tu ña quihvi ñi vecaa ni ituhun chaha cha iin cuiya a cha cua casi tiñu chihin ñi vehe ñi a cha cua cuvi ñi, soco tu cha cuenda cha suhu ñi a sandahyu ñahan ta suhu ñi a sandahyu ñahan ñi ta chinu tutu ñi cha ña ndicha cuu chi a cha suhu ñi chi iin ñivi cha vaha xaan iyo ñi a ñaan inca cha cua tava ña vaha chihin ñi chi ñuun ñi, tu cha savaha ñi iin chehe ña cua cuu cuisotiñu cha cuenda cha savaha ñi chi.

V. Iyo chi cha cua coo ñi uvi cuiya tichi ñuhun Ñucohya ya cha ni cumani cha cua nacachi tiñu chi ñi;

VI. Tu cha ña cuu ñivi Secretario cuenda iin ñuhun, a Fiscal General ñuhun Ñucohyo, a senador, a diputado federal a gobernador iin ñuhun tichi ñuhun Ñucohyo a Xini chi ñuun Ñucohyo, cha ni cumani cha cua tiso tiñu chi ñi.

Ñivi cha cua ndoo cua cuisotiñucua cuu iin ñivi cha ndotiñu vaha xaan ta cuu cua ndehe ñi chi maa tiñu can ta cua savaha ñi cha cuiti ta taa yahvi xaan ñivi chihin ñi ta tundee xaan ñi cuenda iin tiñu ta cha sacuaha vaha ñi cuenda cuhva iyo cha cuiti chi ñivi.