Tiitulo Uni

Capitulo III

Cha cuu cuenda ra cuu Xini chi ñuhun Ñucohyo

Artiiculo 93. Ndihi ra cuu secretario cuenda nu satiñu ñi quivi cha cua ndatuhun ñicua cuhva ñi cuenda chi vehe cha sacuaha ta tisovaha ley.

Ndihi cha indi cuenda nduvi tahan Cámara cua cuu sacuiti chi ñivi cha cuu Secretarios Estado, a chi ñivi cha ndiso a chi ñivi cha sacuenda iin ñuhun cha iyo tichi ñuhun Ñucohyo, tacan ni chi ñivi cha cuu xini chi iin vehe un satiñu ñivi, masi maan chi ndaca ñahan chihin chi cha cua cuhva ñi tuhun yuhu ñi cha cua cati ñi cha ndicha quivi cha cua nducuiti ñi ta cua ndatuhun ñi cuenda iin ley a cha cua sacuaha ñi cuhva cha cuahan iin nu xico ñio cuhva cha cuahan satiñu ñi ta ndaa cha ndacu ñi a cha cua xico tuhun ñi iin cha cuni ñi a cha cua ndcucu tuhun ñi ndaa cha cuni ñi.

Vehe nu iyo ñivi cha sacuaha ta tisovaha ley cua ndaca ñi cumi cuhva cha cuu ndihi ñivi cha iyo cuenda inca cha cuu ra sacuaha ta tisovaha ley ta tu cha ra cuu senadoor cuu ra ta ra sava ndihi ra ta ra iyo chi cha cua coo ta iyo ndatu chi ra ta ra cha cua tiso ra ta ra ñivi cha cua nanducu tiñu cuhva cha satiñu ñivi can cha tindee tiñu chi ñi tacan ni chi nu satiñu ñivi cha cuu chi cueda ra cumi tiñu. Ta cha cua quee nu cua nanducu ñivi can ican cua coto ñi sacuaha ta tiso vaha ley.

Vehe nu iyo ra sacuaha ta tiso vaha ley cua cuu ndaca ñi yoso cuhva cuu chi ta cua cuu ndaca tahan ndihi tucu cha cua ndehe ñi chi ñivi cha cuu chitoho chi vehe nu satiñu ñi a nu cuu chi ra cumi tiñu ta cha cua taa ñi chi nu tutu cua cuni chi ta iyo chi cha cua nducahan ñi cha cahan tutu can tichi 15 quivi cha cua queta chi nuun ñi.

Tiñu ya cua cuu chi cuhva cha iyo tiñu chi Vehe nu nducuiti ñivi cha sacuaha ta tiso vaha ley.