Generating PDF...

Coto cuhva cha iyo cha cuiti chihun ta cuhva cha nini xaan cua savaha cun cha cuu cun ñivi xuñuun, cuhva cha cahan Constitución Política de los Estados Unidos Mexicanos chi tuhun cahan maan cun, ta na cua sacahnu yo cha cuu centenario (cientu cuiya) cha cha quee chi, ta cumi chi ndihi tuhun ñuun cha iyo tichi ñuhun ya.

Nacachi tuhun cahan cun:

Categoría cuhva cha vachi chi:

Nacachi maun ndaa cha cuni cun nducu tuhun cun:

- CUHVA CHA NANI CHI: Iyo maan cuhva cha tiso vaha tiñu cuhva cha natahvi Constitución Politica de los Estados Unnidos Mexicanos. Ta tichi chehe nahan tiñu cuhva cha “Vachi xini chi” a Artículo” chi cha nduvi nuun chi Carta Magna (Tutu Cahnu).

- CHA VACHI XINI CHI: Chi sivi ya nacoto tiñu chi iin iin “Capítulo” cuenda Constituión Política de los Estados Unidos Mexicanos, ta cuhva cha satiñu chic ha vachi tichi tutu ya, ta vachi tahan cha ndaa “Xini chi” a (“Capítulo chi”) nu Carta Magna (Tutu Cahnu).

- Artículo: Ta iyo maan cuhva cha natahvi tiñu chi maan Constitución Política de los Estados Unidos Mexicanos. Ta vachi maan tahan cuhva chai yo cha ndaa “XIni chi” a (“Capítulo chi”) tichi Carta Magna (Tutu Cahnu) cuhva tiso vaha chi nu cahan chi.

- Artículo transitorio: Cahan chi cuenda ndihi 19 artículo cha cuu chi uxu ni tiempu cha chaha chic ha ndee chi maan Constitución Política de los Estados Unidos Mexicanos

- Tuhun cha cati tuhun: Tuhun cha cati tuhun cuenda Constitución Politica de los Estado Unidos Mexicanos, ta vachi tahan chi tichi tuhun cha nani “Coto Vaha Cuenda Constitución yo” cha ni tava cha cuu Secretaría cuenda Educación Pública, ta chacan Instituto Nacional cuenda Lenguas Indigenas quihin chi ta savaha chi cha na cua sandico coo tiñu tuhun ya chi ndihi tuhun ñuun cha iyo chi cuenda lingüística chi cuhva cha iyo ñivi ñuun.

Subcategoría cuhva cha vachi chi:

Mixteco del Oeste de la Costa

El mixteco del oeste de la costa, autodenominado como tu’un savi, es una variante del mixteco, que a su vez es parte de la familia lingüística del Oto-mangue.

TIÑU CHA IYO CUENDA ÑUHUN ÑUCOHYO

Cha cuu cha ndicha 5 febrero cuiya 1917

Chehe cuu tuhun cha sandihi sama ta quee chi DOF 27-05- 2015

Titulo xihna cuii

Capitulo 1

Cha cuiti cha iyo chi ñivi cha cua coo vaha ñi ta ñahni cha yuhvi ñi

Artiiculo 11. Ndihi ñivi iyo cha cuiti cha cua quihvi ñi tichi Ñuhun Ñucohyo, ta cuu quee ñi ta cuhun ñi niniin cahnu tichi ñuhun can ta coo ñi ican, ta ña chini ñuhun chi tutu cha cua cahan cuenda ñi, a pasaporte, a tutu cha cahan cuenda ñi cha cua cuu yaha ñi (salvo-conducto) a ñaan inca cha chica tiñu. Ta cha cua coo cha cuiti chihin ñi ihya, maan ra cumi tiñu tachi tuni chi ñivi indi ndaha tiñu ya, ta tu cha savaha ñi cuati cuenda ñuun a cuenda ra cumi tiñu satiñu cuenda ñuun, ta ndihi cha tahan chi cuhva cha cati ley cha cuahan ñivi inca ñuhun, a vachi ñi inca ñuhun a cuenda cha na ña quihvi cuehe tichi ñuhun Ñucohyo a cuenda ñivi inca ñuhun cha chaha tisihi ta iyo ñi tichi ñuhun Ñucohyo.

Tu cha cua coo cha cua sandehe tiñu tundoho chi ñivi cha cuenda cha cuu iin ra politico, ndihi ñivi iyo cha cuiti chi ñi cha cua ndaca ñi cha cua cumi tiñu chi ñi, ta cua cuu nihin ñi cha cua cumi tiñu chi ñi. Ley cua cati cuhva cha cua cuu chi ndaa iti vachi chi a ndaa ch aña iyo chi cha cua savaha tiñu.