Generating PDF...

K’ajóolt a Páajtalil yéetel Ba’ax unaj u beetik bey wíinik yo’olal Noj A’almaj T’aanil u Péetlu’umil México ichil a t’aan yéetel k k’iimbesik u jo’ok’aal ja’abil wáa centenario u Noj A’almaj T’aanil, ka’alikil táan u kanáanta’al u jejeláas k t’aanil México.

Yéey jump’éel t’aan:

Jaatsil:

Yéey máakalmaáak ba’al taak a wojéeltik:

- KENIJKATSA ITOKAJ: U noj jaatsil bix u ja’atsal u Almejen Noj A’almajt’aanil u Múuch’ Péetlu’umilo’ob México. Ichil lela’ ti’ yaan tuláakal “U Jo’oltuukulil meyaj” yéetel “Jatsts’íibo’ob” yaan ichil Noj A’almajt’aanil.

- U JO’OL TUUKULIL MEYAJ: k’aaba’ le jejeláas “Péets’el” yaan ti’ u Almejen Noj A’almajt’aanil u Múuch’ Péetlu’umilo’ob México yo’olal ba’ax o’olal ku yúuchul le t’aano’. U much’a’al wáa jayp’éel “Jo’oltuukulil meyaj” (wáa “Péets’elo’obe’”) ku beetik u “Jo’olts’íibo’obo’ jump’éel Noj A’almajt’aan.

- JATSTSÍIB: U jaatsil yo’olal jach bix jatsa’anil le u Almejen Noj A’almajt’aanil u Múuch’ Péetlu’umilo’ob México. Beetpaja’an yéetel “U nojtuukulil meyaj” (wáa “Péets’elo’ob”) ti’ u Noj A’almajt’aan, yo’olal ba’ax ku yúuchul t’aan.

- JATSTS’ÍIB KU BÉEYTAL U K’EXPAJAL: Ku t’aan yo’olal 19 jatsts’íibo’ob ku k’expajal ichl u máan k’iin ba’ale’ ku táakmuk’tik u Almejen Noj A’almajt’aanil u Múuch’ Péetlu’umilo’ob México.

- Tsolts’íibilo’ob: U tsolts’íibilil u Almejen Noj A’almajt’aanil Péetlu’umilo’ob México ti’ ku taal ti’ u xookil “K’ajóolt K Noj A’almajt’aan”, ts’a’ab k’ajóoltbil tumeen u Noj molayil u Ka’ansa’al Xook ti’ Kaaj, tu’uxe’ u Noj molayil Máasewáal T’aano’obe’ tu beetaj jump’éel k’eexil ti’al ka’a béeyak u na’atpajal tu beel ichil le jejeláas t’aanilo’obo’.

U ka’ajaatsil:

La palabra maya sirve para nombrar tanto una lengua (la segunda más hablada en México) como una agrupación y una familia lingüística. En nuestro país, la lengua maya es hablada por 795,499 personas, repartidas entre ...

U ALMEJEN NOJ A’ALMAJT’AANIL U MÚUCH’ PÉETLU’UMILO’OB MÉXICO

Noj a’almajt’aan ts’áaba’an ojéeltbil tu Jala’ach Tsaalajil Nojlu’um tu 5 k’iinil u winalil febreero tu ja’abil 1917

U ts’ook jelbesajil ts’a’aba’an k’ajóoltbil DOF 27-05-2015

Óoxjo’olts’íib

Péets’el III

Tu Yóok’olal U Nojbéeytalil Noj Jala’ach

U 90 Jatsts’iibil. U tsolmeyajil kaaj Nojlu’ume’ k’a’ana’an u Múulmeyaj yéetel noj jala'ach yéetel ma' méek'tantbil mola'ay je’ebix jets’a’an ti’ le Tsol a'almajt'aan ku jóok’sa’al tumen Nojmola’ayo’, ku t’oxik le meyajilo’ob u belankilil Múuchpéetlu’umo’ob kun yantal ti’ u ka’aka’ajil u beelankúuchilo’ob Noj jala’achil yéetel yaan u jets’ik le nojtáambal chunt’aano’obo’ uti’al u meenta’al ma' méek'tantbil mola'ay yéetel u táakpajal u Noj jala’achil Nojlu’um ich u meyajta’al.

Ti’ (sic DOF 02-08-2007) le a’almajt’aano’obo’ yaan u je’ets’el u paaklan meyajo’ob le ma’ méektantbil mola’ayo’obo’ yéetel u Noj jala’achil nojlu’um, wáaj le je’elo’oba’ yéetel u beelankúuchilo’ob Noj jala’achil.

U Jéets'meyaj A’almaj Múuch’táambalnáal ti Noj Jala’achil yaan u p’a’atal tu kuuch u Noj Jala'achil México je’el bix jets’a’anil ich u ya’almajt’aanil.

U Noj Jala'achil Méxicoe’ yaan u táan óoltik Nojlu’um ichil u ba’almeyajil tu’ux táakpaja’ano’, wáaj yaan u kuuch le mola’ay beey A'almaj Múuch'tambalnáal ti' Noj Jala'achil wáaj ti’ u Noj Beelankúuchilil Jo'olpóopilo'ob México, je’el bix jets’a’an ti’ u ya’almajt’aanilo’.